പൊരുതി നിന്ന വെയിഡും വീണു, നിര്‍ണ്ണായ വിക്കറ്റുകള്‍ വീഴ്ത്തി ജോ റൂട്ട്, ഓവലില്‍ ഇംഗ്ലണ്ടിന് ജയം

- Advertisement -

ഒടുവില്‍ മാത്യൂ വെയിഡും വീണപ്പോള്‍ ഇംഗ്ലണ്ടിന് ജയം തൊട്ടരുകിലെത്തി നില്‍ക്കുന്നു. സ്റ്റീവ് സ്മിത്ത് പരമ്പരയില്‍ ആദ്യമായി പരാജയം ഏറ്റുവാങ്ങിയ ഇന്നിംഗ്സില്‍ ഇംഗ്ലണ്ടിനെതിരെ ഓസ്ട്രേലിയ വലിയ തോല്‍വിയിലേക്ക് വീഴുമെന്ന കരുതിയ നിമിഷത്തിലാണ് വെയിഡിന്റെ ചെറുത്ത് നില്പില്‍ തോല്‍വിയുടെ ഭാരം ഓസ്ട്രേലിയ കുറച്ച് കൊണ്ടുവന്നത്.

നാലാം ദിവസം അതിജീവിക്കുവാന്‍ താരം ഓസ്ട്രേലിയയെ സഹായിക്കുമെന്ന് തോന്നിപ്പിച്ച നിമിഷത്തിലാണ് ജോ റൂട്ടിന് വിക്കറ്റ് നല്‍കി താരത്തിന്റെ മടക്കം. 117 റണ്‍സ് നേടിയ വെയിഡ് പുറത്തായി അധികം വൈകാതെ ജാക്ക് ലീഷ് ഓസ്ട്രേലിയന്‍ വാലറ്റത്തെ ചുരുട്ടിക്കെട്ടി ഓവല്‍ ടെസ്റ്റില്‍ ഇംഗ്ലണ്ടിന് 135 റണ്‍സിന്റെ വിജയം നല്‍കുകയായിരുന്നു.

77 ഓവറില്‍ 263 റണ്‍സിന് ഓസ്ട്രേലിയ ഓള്‍ഔട്ട് ആയപ്പോള്‍ സ്റ്റുവര്‍ട് ബ്രോഡും ജാക്ക് ലീഷും നാല് വീതം വിക്കറ്റ് നേടി. ഇരു ടീമുകളും രണ്ട് വീതം ടെസ്റ്റുകള്‍ വിജയിച്ചുവെങ്കിലും ആഷസ് ഓസ്ട്രേലിയ നിലനിര്‍ത്തുകയായിരുന്നു.

Advertisement