ഇന്ന് കേരള ബ്ലാസ്റ്റേഴ്സിനായി നേടിയ ഗോളോടെ സഹൽ അബ്ദുൽ സമദ് മഞ്ഞ ജേഴ്സിയിൽ ഒരു പുതിയ റെക്കോർഡ് കുറിച്ചു. ഒരൊറ്റ സീസണിൽ കേരള ബ്ലാസ്റ്റേഴ്സിനായി ഏറ്റവും കൂടുതൽ ഗോളുകൾ നേടുന്ന ഇന്ത്യൻ താരമായി സഹൽ അബ്ദുൽ സമദ് മാറി. സഹലിന്റെ ഈ സീസണിലെ ആറാം ഗോളായിരുന്നു ഇത്. സി കെ വിനീതിന്റെ റെക്കോർഡ് ആണ് ഇന്നത്തെ ഗോളോടെ സഹൽ മറികടന്നത്. സി കെ വിനീത് ഒരു സീസണിൽ കേരള ബ്ലാസ്റ്റേഴ്സിനായി അഞ്ചു ഗോളുകൾ നേടിയിരുന്നു.
2016ൽ വിനീത് നേടിയ ആ റെക്കോർഡ് ആണ് സഹൽ ഇന്നത്തെ ഗോളോടെ മറികടന്നത്. സി കെ വിനീത് കേരള ബ്ലാസ്റ്റേഴ്സിനായി ആകെ 11 ഗോളുകൾ നേടിയിട്ടുണ്ട്. ഇനി ആ റെക്കോർഡ് മറികടക്കുക ആകും സഹലിന്റെ വരും സീസണിലെ ലക്ഷ്യങ്ങൾ. സഹൽ ആകെ 7 ഗോളുകൾ കേരള ബ്ലാസ്റ്റേഴ്സിനായി നേടിയിട്ടുണ്ട്.
