അങ്ങനെ നീണ്ട കാത്തിരിപ്പിനു ശേഷം ചെൽസിക്ക് ഒരു വിജയം. ഇന്ന് എവേ മത്സരത്തിൽ ബൗണ്മതിനെ നേരിട്ട ചെൽസി ഒന്നിനെതിരെ മൂന്നു ഗോളുകൾക്കാണ് വിജയിച്ചത്. ഫ്രാങ്ക് ലമ്പാർഡ് പരിശീലകനായി എത്തിയ ശേഷമുള്ള ചെൽസിയുടെ ആദ്യ വിജയമാണിത്. ഇതിനു മുമ്പുള്ള 6 മത്സരങ്ങളും ചെൽസി പരാജയപ്പെട്ടിരുന്നു.
ഇന്ന് ആദ്യ പകുതിയിൽ 9ആം മിനുട്ടിൽ ഗാലഗറിലൂടെ ലീഡ് എടുക്കാൻ ചെൽസിക്ക് ആയി. ഈ ഗോളിന് ഒരു മികച്ച ടീം ഗോളിലൂടെ 21ആം മിനുട്ടിൽ ബൗണ്മത് മറുപടി നൽകി. മാറ്റിയസ് വിന ആയിരുന്നു അവരുടെ സമനില ഗോൾ നേടിയത്. ആദ്യ പകുതി 1-1 എന്ന് അവസാനിച്ചു.
രണ്ടാം പകുതിയിൽ 82 മിനുട്ട് ആകേണ്ടി വന്നു ചെൽസിക്ക് ലീഡ് എടുക്കാൻ. യുവതാരം ബാദിയഷിൽ ആണ് ചെൽസിക്ക് ലീഡ് നൽകിയത്. പിന്നാലെ ജാവോ ഫെലിക്സ് കൂടെ ഗോൾ നേടിയതോടെ ചെൽസിയുടെ വിജയം ഉറപ്പായി. ഈ വിജയത്തോടെ ചെൽസി റിലഗേറ്റ് ആകില്ല എന്ന് ഉറപ്പായി.
ചെൽസിക്ക് 34 മത്സരങ്ങൾ കഴിഞ്ഞപ്പോൾ 42 പോയിന്റ് ആണുള്ളത്. അവർ 11ആം സ്ഥാനത്ത് എത്തി. ബൗണ്മത് 39 പോയിന്റുമായി ലീഗിൽ 14ആം സ്ഥാനത്തും നിൽക്കുന്നു.
