കിരീടത്തിനടുത്തേക്ക് മാഞ്ചസ്റ്റർ സിറ്റി!! ആഴ്സണലിനെക്കാൾ നാലു പോയിന്റ് മുന്നിൽ

Newsroom

Picsart 23 05 06 20 54 03 272
Download the Fanport app now!
Appstore Badge
Google Play Badge 1

ഇംഗ്ലീഷ് പ്രീമിയർ ലീഗ് കിരീട പോരാട്ടം അവസാന നാലു മത്സരങ്ങളിലേക്ക് ചുരുങ്ങുമ്പോൾ മാഞ്ചസ്റ്റർ സിറ്റിക്ക് ഒന്നാം സ്ഥാനത്ത് 4 പോയിന്റിന്റെ ലീഡ്. ഇന്ന് ഇത്തിഹാദ് സ്റ്റേഡിയത്തിൽ വെച്ച് ലീഡ്സ് യുണൈറ്റഡിനെ നേരിട്ട മാഞ്ചസ്റ്റർ സിറ്റി ഒന്നിനെതിരെ രണ്ടു ഗോളുകളുടെ വിജയം നേടി. ആദ്യ പകുതിയിൽ തന്നെ സിറ്റി രണ്ടു ഗോളുകൾക്ക് മുന്നിൽ എത്തിയിരുന്നു.

മാഞ്ചസ്റ്റർ സിറ്റി 23 05 06 20 54 16 068

മഹ്റസ് ഗുണ്ടോഗൻ കൂട്ടുകെട്ട് ആണ് സിറ്റിക്ക് പെട്ടെന്ന് തന്നെ രണ്ടു ഗോളുകൾ നൽകിയത്. 19ആം മിനുട്ടിൽ ആയിരുന്നു മഹ്റസിന്റെ അസിസ്റ്റിലെ ഗുണ്ടോഗന്റെ ആദ്യ ഗോൾ. 27ആം മിനുട്ടിൽ ഈ സഖ്യം വീണ്ടും ഒരുമിച്ചും ഗുണ്ടോഗന്റെ രണ്ടാം ഗോൾ. സ്കോർ 2-0. രണ്ടാം പകുതിയിൽ 84ആം മിനുട്ടിൽ ഹാട്രിക്ക് നേടാൻ ഗുണ്ടോഗന് അവസരം ലഭിച്ചു. പക്ഷെ അദ്ദേഹത്തിന് പെനാൾട്ടി ലക്ഷ്യത്തിൽ എത്തിക്കാൻ ആയില്ല. തൊട്ടടുത്ത മിനുട്ടിൽ റോഡ്രിഗോയിലൂടെ ലീഡ്സ് ഒരു ഗോൾ മടക്കി കളിയിലേക്ക് തിരികെ വന്നു‌. പക്ഷെ പരാജയം ഒഴിവാക്കാൻ അവർക്ക് ആയില്ല.

ഈ വിജയത്തോടെ മാഞ്ചസ്റ്റർ സിറ്റിക്ക് 34 മത്സരങ്ങളിൽ നിന്ന് 82 പോയിന്റ് ആയി. ആഴ്സണലിന് 34 മത്സരങ്ങളിൽ നിന്ന് 78 പോയിന്റ് ആണുള്ളത്. ലീഡ്സ് യുണൈറ്റഡ് 30 പോയിന്റുമായി റിലഗേഷൻ ഭീഷണിൽ 17ആം സ്ഥാനത്ത് നിൽക്കുകയാണ്.