ബെംഗളൂരു എഫ്സിയെ വീഴ്ത്തി ഈസ്റ്റ് ബംഗാൾ !

ഐഎസ്എല്ലിൽ ബെംഗളൂരു എഫ്സിയെ വീഴ്ത്തി ഈസ്റ്റ് ബംഗാൾ. എതിരില്ലാത്ത ഒരു ഗോളിനാണ് ബെംഗളൂരുവിൽ ഈസ്റ്റ് ബംഗാൾ വിജയക്കൊടിപാറിച്ചത്. ക്ലെയ്റ്റൺ സിൽവയാണ് ഈസ്റ്റ് ബംഗാളിന്റെ വിജയ ഗോൾ നേടിയത്. ഹോം ഗ്രൗണ്ടിലെ കാണികൾക്ക് മുന്നിൽ നിരാശജനകമായ പ്രകടനമാണ് ബെംഗളൂരു എഫ്സി കാഴ്ച്ചവെച്ചത്. ഇത് മൂന്നാം കളിയിലാണ് ബെംഗളൂരു എഫ്സിക്ക് ഒരു ഗോൾ പോലും നേടാൻ സാധിക്കാതെ ഇരിക്കുന്നത്.

Img 20221111 222123

ജയത്തോടെ ഈസ്റ്റ് ബംഗാൾ എട്ടാമതും ബെംഗളൂരു എഫ്സി പോയന്റ് നിലയിൽ ഒൻപതാം സ്ഥാനത്തുമാണുള്ളത്. കളിയുടെ തുടക്കത്തിൽ തന്നെ ഇരു ടീമുകളും അക്രമിച്ചു കളിച്ചു. തുടക്കത്തിൽ തന്നെ ജെറിയും ക്ലെയ്ടണും ബെംഗളൂരു പ്രതിരോധത്തിന് തലവേദനയായി. ഈസ്റ്റ് ബംഗാൾ നായകൻ ഫൗള് ചെയ്യപ്പെട്ടപ്പോൾ കൊൽക്കത്തൻ ടീം പെനാൽറ്റി ആവശ്യപ്പെട്ടെങ്കിലും റഫറി അനുവദിച്ചില്ല. ബെംഗളൂരു നിരയിൽ റോയ് കൃഷ്ണക്ക് മികച്ച അവസരം ലഭിച്ചെങ്കിലും ലക്ഷ്യത്തിലെത്താനായില്ല. ഒടുവിൽ മുൻ ബെംഗളൂരു താരം കൂടിയായ ക്ലെയ്റ്റൺ സിൽവ കളിയിലെ ഏക ഗോൾ നേടി. മഹേഷ് സിംഗാണ് ഗോളിന് വഴിയൊരുക്കിയത്.