എയിം ചെസ് റാപ്പിഡ് ഓൺലൈൻ ടൂർണമെന്റിൽ ലോക ചാമ്പ്യൻ മാഗ്നസ് കാൾസനെ തോൽപ്പിച്ചു ഇന്ത്യയുടെ 19 കാരൻ ഗ്രാന്റ് മാസ്റ്റർ അർജുൻ എറിഗയ്സി. ജനറേഷൻ കപ്പ് ഫൈനലിൽ കാൾസനോട് ഏറ്റ തോൽവിക്ക് പ്രതികാരം കൂടിയായി അർജുനു ഈ ജയം.
കരിയറിൽ ഇത് ആദ്യമായാണ് അർജുൻ കാൾസനെ തോൽപ്പിക്കുന്നത്. റൗണ്ട് 7 ൽ മൂന്നു ജയവും ഒരു സമനിലയും നേടിയ അർജുൻ ടൂർണമെന്റിൽ നിലവിൽ നാലാമത് ആണ്. കാൾസനും ശഖിയാർ മമദയരോവും രണ്ടാം സ്ഥാനത്ത് നിൽക്കുമ്പോൾ യുവ ഉസ്ബകിസ്ഥാൻ താരം നോഡിർബെക് അബ്ദുസറ്റോറോവ് ആണ് ഒന്നാം സ്ഥാനത്ത് നിൽക്കുന്നത്.
