വിജയത്തോടെ യൂറോപ്പ തുടങ്ങി ലാസിയോ

യൂറോപ്പ ലീഗിലെ ആദ്യ മത്സരത്തിൽ ലാസിയോയ്ക്ക് ജയം. ഒന്നിനെതിരെ രണ്ടു ഗോളുകൾക്കാണ് അപ്പോളൻ ലിമസോളിനെ ലാസിയോ പരാജയപ്പെടുത്തിയത്. ലാസിയോയ്ക്ക് വേണ്ടി ലൂയിസ് ആൽബെർട്ടോയും കൈറോ ഇമ്മൊബിലും ഗോളടിച്ചപ്പോൾ എമിലിയോ സലായയാണ് അപ്പോളൻ ലിമസോളിന്റെ ആശ്വാസ ഗോൾ നേടിയത്.

സൈപ്രസിലെ ടീമായ അപ്പോളൻ ലിമസോൾ കഴിഞ്ഞ സീസണിൽ മികച്ച പ്രകടനമായിരുന്നു പുറത്തെടുത്തത്. അറ്റ്ലാന്റായേയും ലിയോണിനെയും എവർട്ടനെയും സമനിലയിൽ പിടിക്കാൻ കഴിഞ്ഞ സീസണിൽ അവർക്ക് സാധിച്ചിരുന്നു. മത്സരത്തിലുടനീളം ലാസിയോയുടെ ആധിപത്യം കാണാമായിരുന്നു.