മൂന്നാം ദിവസം തന്നെ വിജയമെന്ന പാക്കിസ്ഥാന്റെ പ്രതീക്ഷകള്‍ക്ക് മേല്‍ പതിഞ്ഞ് വെളിച്ചക്കുറവ്. അമ്പയര്‍മാര്‍ മൂന്നാം ദിവസത്തെ കളി നിര്‍ത്തുമ്പോള്‍ ഫോളോ ഓണ്‍ ചെയ്ത സിംബാബ്‍വേ 9 വിക്കറ്റ് നഷ്ടപ്പെട്ട് നില്‍ക്കുകയായിരുന്നു. ആദ്യ ഇന്നിംഗ്സില്‍ ഹസന്‍ അലിയാണ് തിളങ്ങിയതെങ്കില്‍ രണ്ടാം ഇന്നിംഗ്സില്‍ അഞ്ച് വിക്കറ്റുമായി നൗമന്‍ അലിയാണ് പാക്കിസ്ഥാന് നിരയില്‍ കസറിയത്.
220/9 എന്ന നിലയിലുള്ള സിംബാബ്‍വേയ്ക്ക് ഇന്നിംഗ്സ് തോല്‍വി ഒഴിവാക്കുവാന്‍ ഇനിയും 158 റണ്‍സാണ് നേടേണ്ടത്. 80 റണ്‍സ് നേടിയ റെഗിസ് ചകാബ്‍വയും 49 റണ്‍സ് നേടിയ ബ്രണ്ടന്‍ ടെയിലറും ക്രീസിലുണ്ടായിരുന്നപ്പോളാണ് സിംബാബ്‍വേ മത്സരത്തില്‍ അല്പമെങ്കിലും ചെറുത്ത്നില്പുയര്‍ത്തിയത്.
31 റണ്‍സ് നേടിയ ലൂക്ക് ജോംഗ്വേയ്ക്കൊപ്പം ബ്ലെസ്സിംഗ് മുസറബാനിയാണ് സിംബാബ്‍വേയ്ക്കായി ക്രീസിലുള്ളത്. ഷഹീന്‍ അഫ്രീദി നാല് വിക്കറ്റ് നേടി.
