മധ്യനിരയുടെ മികവിനു ശേഷം തകര്‍ന്ന് സിംബാബ‍്‍വേ, സൈഫുദ്ദീന് മൂന്ന് വിക്കറ്റ്

Sports Correspondent

Download the Fanport app now!
Appstore Badge
Google Play Badge 1

ബംഗ്ലാദേശിനെതിരെ രണ്ടാം ഏകദിനത്തില്‍ ഭേദപ്പെട്ട സ്കോറില്‍ നിന്ന് ബാറ്റിംഗ് തകര്‍ച്ച നേരിട്ട് സിംബാബ്‍വേ. മധ്യ നിരയുടെ ബലത്തില്‍ മികച്ച സ്കോര്‍ സിംബാബ്‍വേ നേടുമെന്ന ഒരു ഘട്ടത്തില്‍ തോന്നിയെങ്കിലും പിന്നീട് തുടരെ വിക്കറ്റുകള്‍ വീണത് ടീമിനു തിരിച്ചടിയായി. 229/4 എന്ന നിലയില്‍ നിന്ന് സിംബാബ്‍വേ 234/7 എന്ന നിലയിലേക്ക് അഞ്ച് റണ്‍സ് എടുക്കുന്നതിനിടയില്‍ മൂന്ന് വിക്കറ്റ് നഷ്ടമായി പ്രതിരോധത്തിലാകുകയായിരുന്നു.

75 റണ്‍സ് നേടിയ ബ്രണ്ടന്‍ ടെയിലറും പുറത്താകുമ്പോള്‍ 147/3 എന്ന നിലയിലായിരുന്ന സിംബാബ്‍വേയെ മുന്നോട്ട് നയിച്ചത് ഷോണ്‍ വില്യംസും(47) സിക്കന്ദര്‍ റാസയുമായിരുന്നു(49) എന്നാല്‍ ഇരുവരും പുറത്തായ ശേഷം ടീം വലിയൊരു തകര്‍ച്ചയെ നേരിടുകയായിരുന്നു. 50 ഓവറില്‍ 246 റണ്‍സാണ് 7 വിക്കറ്റുകളുടെ നഷ്ടത്തില്‍ സിംബാബ്‍വേ നേടിയത്.

ബംഗ്ലാദേശിനു വേണ്ടി മുഹമ്മദ് സൈഫുദ്ദീനാണ് മൂന്ന് വിക്കറ്റുമായി മികച്ച് നിന്നത്. മഷ്റഫെ മൊര്‍തസ, മുസ്തഫിസുര്‍ റഹ്മാന്‍, മെഹ്ദി ഹസന്‍, മഹമ്മദുള്ള എന്നിവര്‍ ഓരോ വിക്കറ്റും നേടി.