ഇന്ത്യ തോറ്റു എങ്കിലും ഈ ടീമിനെ ഓർത്ത് അഭിമാനിക്കുന്നു എന്ന് ഇന്ത്യൻ ഇതിഹാസ താരം സുനിൽ ഗവാക്സർ. ഫൈനൽ വരെ ഈ ടീം അവിസ്മരണീയമായ ക്രിക്കറ്റ് ആണ് കളിച്ചത്. അവർക്ക് ആ അവസാന ചുവട് കൂടെ വെച്ച് കിരീടത്തിലേക്ക് എത്താൻ ആയില്ല എന്നത് വിഷമം നൽകുന്നുണ്ട്. ഗവാസ്കർ ഫൈനലിന് ശേഷം പറഞ്ഞു.
ഇന്ന് ഭാഗ്യം ഇന്ത്യക്ക് ഒപ്പം ഇല്ലായിരുന്നു. ആ ടോസ് തന്നെ കളിയുടെ വിധി ഇന്ത്യക്ക് എതിരാക്കി എന്ന് താൻ കരുതുന്നു. ഗവാസ്കർ പറയുന്നു. ഏറ്റവും മികച്ച ടീമിനെതിരെ തോൽക്കുന്നതിൽ യാതൊരു നാണക്കേടും ഇല്ല. ഇന്ന് ഓസ്ട്രേലിയ ഇന്ത്യയെക്കാൾ മികച്ച ടീമായിരുന്നു. അദ്ദേഹം പറഞ്ഞു.
ഈ ഇന്ത്യൻ ടീം ഞങ്ങൾക്ക് ഒരുപാട് സന്തോഷം നൽകി. അവർ അവരുടെ എല്ലാം നൽകി. ഇവരെ ഓർത്ത് അഭിമാനം മാത്രമെ ഉള്ളൂ. ഗവാസ്കർ കൂട്ടിച്ചേർത്തു.
