മുഹമ്മദ് ഷമിയെ പ്രശംസിച്ച് ശ്രേയസ് അയ്യർ. ഇന്ന് വിക്കറ്റ് കണ്ടപ്പോൾ തന്നെ ഇത് ഷമിക്ക് തിളങ്ങാൻ ആകുന്ന വിക്കറ്റ് ആണെന്ന് തനിക്ക് തോന്നി എന്ന് ശ്രേയസ് അയ്യർ പറഞ്ഞു. “താൻ ഡ്രസിംഗ് റൂമിൽ വെച്ച് ഷമിയുമായി സംസാരിച്ചു. ഇത് നിങ്ങളുടെ വിക്കറ്റാണെന്ന് ഞാൻ അദ്ദേഹത്തോടു പറഞ്ഞു. കാരണം അദ്ദേഹം പന്ത് നന്നായി സീം ചെയ്യുന്ന ഒരാളാണ്. വർഷങ്ങളോളം ഇന്ത്യക്ക് വേണ്ടി കളിച്ച് പരിചയസമ്പത്തുണ്ട്. ഡ്രസ്സിംഗ് റൂമിൽ അദ്ദേഹം ശാന്തനായ ഒരു മനുഷ്യനാണ്. അദ്ദേഹം അധികം സംസാരിക്കില്ല, പ്രവർത്തിയിൽ ആണ് അദ്ദേഹം ശ്രദ്ധിക്കുന്നത്” അയ്യർ പറഞ്ഞു.
“നിങ്ങൾ ഷമിയെ നോക്കുമ്പോഴെല്ലാം, അദ്ദേഹം അവിടെ വ്യത്യസ്തമായ എന്തെങ്കിലും ചെയ്യാൻ പോകുന്നുവെന്ന് നിങ്ങൾക്ക് തോന്നുന്നു. അദ്ദേഹം തന്റെ അവസരം വരുന്നതിനായി കാത്തിരിക്കുകയും എപ്പോഴും അത് മുതലെടുക്കുകയും ചെയ്യുന്നു. അതിനാൽ അത് അദ്ദേഹത്തെ വളരെയധികം സഹായിക്കുന്ന ഒന്നാണ്. ബുംറയും സിറാജും തുടക്കം മുതൽ മികച്ച രീതിയിൽ ആയിരുന്നു ഇന്ന് ബൗൾ ചെയ്തത്” അയ്യർ കൂട്ടിച്ചേർത്തു.
