ഇന്ത്യയുടെ ബൗളിംഗ് യൂണിറ്റിനെ പ്രശംസിച്ച് മുൻ ഇംഗ്ലീഷ് ക്യാപ്റ്റൻ നാസർ ഹുസൈൻ. താൻ കണ്ടിട്ടുള്ളതിൽ വച്ച് ഏറ്റവും മികച്ച ഇന്ത്യൻ ബൗളിംഗ് ടീമാണ് ഇതെന്ന് നാസർ ഹുസൈൻ വിശേഷിപ്പിച്ചു.
‘ഇപ്പോഴത്തെ ഈ ബൗളിംഗ് യൂണിറ്റ് ഞാൻ കണ്ടിട്ടുള്ളതിൽ വച്ച് ഏറ്റവും മികച്ച ഇന്ത്യൻ ബൗളിംഗ് യൂണിറ്റാണ്. ഇന്ത്യക്ക് പലപ്പോഴും മികച്ച ബൗളർമാർ ഉണ്ടായിരുന്നു, എന്നാൽ ഒരു യൂണിറ്റ് എന്ന നിലയിൽ ഇതാണ് ഏറ്റവും മികച്ചത്.” ഹുസൈൻ സ്റ്റാർ സ്പോർട്സിൽ പറഞ്ഞു.
“ബുംറയ്ക്ക് നിന്നെ വീഴ്ത്തൊയില്ലെങ്കിൽ സിറാജ് വീഴ്ത്തും. സിറാജിന് ആയില്ല എങ്കിൽ ഷമിക്ക് കിട്ടും. ഇവർക്ക് ആർക്കും ഈ വിക്കയ് കിട്ടിയില്ലെങ്കിൽ രണ്ട് സ്പിന്നർമാർ വരും, അവർ നിങ്ങളെ പുറത്താക്കും.” നാസർ ഹുസൈൻ പറഞ്ഞു.
“മുമ്പ് ബാറ്റിംഗിൽ ഇന്ത്യക്ക് ഫാബ് 5 ഉണ്ടായിരുന്നു, ഇതാണ് ഇപ്പോൾ ബൗളിംഗിൽ ആണ് ഫാബ് 5,” ഹുസൈൻ പറഞ്ഞു.
ഈ ലോകകപ്പിൽ ഇതുവരെ ഒമ്പത് മത്സരങ്ങളിൽ ഏഴ് തവണയാണ് ഇന്ത്യക്ക് എതിരാളികളെ ഓളൗട്ട് ആക്കി പുറത്താക്കാൻ കഴിഞ്ഞത്. നിലവിലെ ടൂർണമെന്റിൽ എല്ലാ പ്രധാന ഇന്ത്യൻ ബൗളർമാരും 10 വിക്കറ്റിലധികം വീഴ്ത്തി.
