ഫുട്ബോൾ ഇതിഹാസം ഡേവിഡ് ബെക്കാം ഇന്ത്യയിൽ എത്തും. നവംബർ 15 ന് മുംബൈയിലെ വാങ്കഡെ സ്റ്റേഡിയത്തിൽ നടക്കുന്ന ഇന്ത്യ vs ന്യൂസിലൻഡ് സെമി ഫൈനൽ കാണാൻ ആകും മുൻ ഇംഗ്ലണ്ട് ഫുട്ബോൾ ടീം ക്യാപ്റ്റൻ ഡേവിഡ് ബെക്കാം എത്തുന്നത്. മാഞ്ചസ്റ്റർ യുണൈറ്റഡിന്റെയും റയൽ മാഡ്രിഡിന്റെയും മുൻ മിഡ്ഫീൽഡർ ആയ ബെക്കാമും കളി കാണാൻ എത്തും എന്ന് അധികൃതർ അറിയിച്ചു.
യുണിസെഫിന്റെ ഗുഡ്‌വിൽ അംബാസഡർ എന്ന നിലയിൽ ആകും ബെക്കാം മത്സരത്തിന് എത്തക. കളി ആരംഭിക്കും മുമ്പ് ബെക്കാം ഇരു ടീമിലെയും താരങ്ങളുമായി സംസാരിക്കും.
2019ൽ മാഞ്ചസ്റ്ററിൽ നടന്ന ലോകകപ്പ് സെമി ഫൈനലിന്റെ ആവർത്തനമാണ് നാളെ വാങ്കേഡെയിൽ നടക്കാൻ പോകുന്നത്. അന്നത്തെ തോൽവിക്ക് പ്രതികാരം ചെയ്യുക ആകും ഇന്ത്യയുയ്യെ ലക്ഷ്യം.
