മുൻ ഇംഗ്ലണ്ട് ക്യാപ്റ്റൻ മൈക്കിൾ വോൺ ഇന്ത്യൻ ലോകകപ്പിനെ വിമർശിച്ച് രംഗത്ത്‌. ഇന്ന് ചെന്നൈയിൽ ഓസ്ട്രേലിയ ബാറ്റർമാർ ഇന്ത്യൻ സ്പിന്നിനു മുന്നിൽ പതറിയിരുന്നു. അതിനു പിന്നാലെയാണ് സാമൂഹിക മാധ്യമത്തിൽ വിമർശനവുമായി മൈക്കിൾ വോൺ എത്തിയത്‌. ഈ പിച്ചുകളിൽ ലോകകപ്പ് നേടാൻ ഇന്ത്യ തന്നെയാണ് ഫേവറിറ്റുകൾ എന്ന് ഇന്ത്യ കാണിച്ചു തരികയാണ് എന്ന്, മൈക്കിൾ വോൺ ഇന്നത്തെ ഇന്ത്യയുടെ പ്രകടനത്തെ കുറിച്ച് പറഞ്ഞു.
ചെന്നൈയിൽ സ്പിന്നിന് അനുകൂലമായ പിച്ചിൽ ഓസ്ട്രേലിയയുടെ പേരുകേട്ട ബാറ്റിങ് നിര പതറിയിരുന്നു. ആകെ 199 റൺസ് ആണ് ഓസ്ട്രേലിയക്ക് ഇന്ന് എടുക്കാൻ ആയത്‌. ഇന്ത്യ ആകട്ടെ അനായാസം 6 വിക്കറ്റ് വിജയം നേടി. ഇന്ത്യയുടെ സ്പിന്നർമാർ ആറു വിക്കറ്റുകളോളം വീഴ്ത്തിയപ്പോൾ ഓസ്ട്രേലിയൻ സ്പിന്നർമാർക്ക് ഒരു വിക്കറ്റ് പോലും കിട്ടിയതുമില്ല.
