ദക്ഷിണാഫ്രിക്കൻ താരം ട്രിസ്റ്റൻ സ്റ്റബ്‌സിനെ പ്രശംസിച്ച് അമ്പാട്ടി റായുഡു. സ്റ്റബ്സിന് . ഇതിഹാസ താരം എബി ഡിവില്ലിയേഴ്‌സിനെപ്പോലെ മികച്ച താരമായി മാറാൻ ആകും എന്ന് റായുഡു പറഞ്ഞു. എൽഎസ്‌ജിക്കെതിരെ 25 പന്തിൽ മൂന്ന് ഫോറും നാല് സിക്‌സും സഹിതം പുറത്താകാതെ 57 റൺസ് നേടാൻ സ്റ്റബ്സിനായിരുന്നു. ഒപ്പം ആയുഷ് ബദോനിയുടെ നിർണായക വിക്കറ്റും സ്റ്റബ്സ് സ്വന്തമാക്കി.
“ട്രിസ്റ്റൻ സ്റ്റബ്സ് ഒരു ഓൾറൗണ്ട് പാക്കേജാണ്. അവൻ മനോഹരമായ ഒരു ഓവർ എറിഞ്ഞു, ഈ സീസണിൽ അവൻ പന്ത് അടിക്കുന്ന രീതി മികച്ചതാണ് — ഷോർട്ട് ബോൾ മുതൽ ഒരു ഫുളർ ബോൾ വരെ അവൻ എല്ലാ ലെങ്തും അടിക്കുന്നു.” റായുഡു പറഞ്ഞു.
“എബി ഡിവില്ലിയേഴ്‌സിനെ പോലുള്ള ഒരു ദക്ഷിണാഫ്രിക്കൻ താരമാണ് അദ്ദേഹം. ഡി വില്ലിയേഴ്സിനെ പോലൊരു താരമായി വളരാനും സ്റ്റബ്സിനാകും.” സ്റ്റാർ സ്‌പോർട്‌സിൽ സംസാരിക്കവെ റായുഡു പറഞ്ഞു
ഈ സീസൺ ഐ പി എല്ലിൽ 13 മത്സരങ്ങളിലെ മൂന്ന് അർധസെഞ്ചുറികൾ ഉൾപ്പെടെ 54.00 ശരാശരിയിൽ 378 റൺസ് നേടാൻ സ്റ്റബ്സിനായിം 190.90 എന്ന സ്‌ട്രൈക്ക് റേറ്റും താരത്തിനുണ്ട്.
