2023 ലോകകപ്പ് ഫൈനലിൽ ഇന്ത്യ ആദ്യം ബാറ്റു ചെയ്താൽ ഏകപക്ഷീയമായി വിജയിക്കും എന്ന് ആകാശ് ചോപ്ര. ഓസ്‌ട്രേലിയയുടെ വിധി അവരുടെ ബാറ്റിംഗ് പ്രകടനം എങ്ങനെയെന്നതിനെ ആശ്രയിച്ചിരിക്കുമെന്നും മുൻ ക്രിക്കറ്റ് താരം ആകാശ് ചോപ്ര പറഞ്ഞു. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നാളെയാണ് ഫൈനൽ നടക്കുന്നത്‌.
നാളെ, ഓസ്‌ട്രേലിയയുടെ വിധി ബാറ്റിംഗിലെ വ്യക്തിഗത മികവിനെ ആശ്രയിക്കും. വാർണർ-മാർഷ്-മാക്‌സ്‌വെൽ എന്നിവരിൽ ഒരാളുടെ മികച്ച പ്രകടനം അവർക്ക് ആവശ്യമുണ്ട്‌.അതും ഓസ്ട്രേലിയ ആദ്യം ബാറ്റ് ചെയ്താൽ. ഇന്ത്യ ആദ്യം ബാറ്റ് ചെയ്യുകയാണെങ്കിൽ, ഇന്ത്യക്ക് അനുകൂലമായ ഒരു ഏകപക്ഷീയമായ കളിയാണ് ഞാൻ പ്രതീക്ഷിക്കുന്നത്. ആകാശ് ചോപ്ര എക്സ് പ്ലാറ്റ്ഫോമിൽ പറഞ്ഞു.
