ലോകകപ്പ് ഇനി വിരലിൽ എണ്ണാവുന്ന ദിവസങ്ങളിൽ എടുത്തിരിക്കുകയാണ്. ലോകകപ്പ് ആര് നേടുമെന്ന ചോദ്യത്തോട് ആദ്യ പ്രതികരണം നടത്തിയിരിക്കുകയാണ് മുൻ ഇന്ത്യൻ താരവും ലോകകപ്പ് ജേതാവുമായ ഗൗതം ഗംഭീർ. ഗൗതാവിന്റെ അഭിപ്രായത്തിൽ ലോകകപ്പ് നേടാൻ ഏറ്റവുമധികം സാധ്യതയുള്ള ടീമാണ് ആസ്‌ട്രേലിയ.
ഒരു സ്വകാര്യ മാധ്യമവുമായി നടത്തിയ അഭിമുഖത്തിലാണ് ഗംഭീർ മനസ് തുറന്നത്. ആസ്‌ട്രേലിയ കഴിഞ്ഞാൽ ലോകകപ്പ് നേടാൻ പിന്നീട് സാധ്യതയുള്ളത് ഇന്ത്യക്കും ഇംഗ്ളണ്ടിനുമാണെന്നു അദ്ദേഹം പറഞ്ഞു. ഉറപ്പായും ലോകകപ്പ് ഫൈനലിൽ ഈ ടീമുകൾ ഉണ്ടാകുമെന്നും അദ്ദേഹം പറഞ്ഞു. ക്രിക്കറ്റിൽ നിന്നും വിരമിച്ച ഗംഭീർ ഇപ്പോൾ സജീവ രാഷ്ട്രീയത്തിൽ ഇറങ്ങിയിരിക്കുകയാണ്. ഡൽഹിയിൽ നിന്നുമുള്ള ലോകസഭാ സ്ഥാനാർഥിയാണ് ഗൗതം ഗംഭീർ.
