വാര്‍ണര്‍ വെടിക്കെട്ട്, ആധികാരിക ജയവുമായി ഓസ്ട്രേലിയ

Warnermarsh

ടി20 ലോകകപ്പിൽ ഇന്ന് വെസ്റ്റിന്‍ഡീസിനെതിരെ തകര്‍പ്പന്‍ വിജയം സ്വന്തമാക്കി ഓസ്ട്രേലിയ. ആദ്യം ബാറ്റ് ചെയ്ത വെസ്റ്റിന്‍ഡീസ് കീറൺ പൊള്ളാര്‍ഡ്(44), ആന്‍ഡ്രേ റസ്സൽ(18*), ഷിമ്രൺ ഹെറ്റ്മ്യര്‍(27), എവിന്‍ ലൂയിസ്(29) എന്നിവരുടെ ബാറ്റിംഗ് മികവിൽ 157/7 എന്ന സ്കോര്‍ നേടുകയായിരുന്നു. ഓസ്ട്രേലിയയ്ക്കായി ജോഷ് ഹാസല്‍വുഡ് നാല് വിക്കറ്റ് നേടി.

ഡേവിഡ് വാര്‍ണറുടെ മിന്നും ബാറ്റിംഗ് പ്രകടനത്തിനൊപ്പം മിച്ചൽ മാര്‍ഷും കസറിയപ്പോള്‍ ഓസ്ട്രേലിയ 16.2 ഓവറിൽ ആധികാരിക ജയം നേടുകയായിരുന്നു. വാര്‍ണര്‍ 56 പന്തിൽ 89 റൺസുമായി പുറത്താകാതെ നിന്നപ്പോള്‍ 53 റൺസ് നേടിയ മിച്ചൽ മാര്‍ഷ് നേരിട്ടത് 32 പന്തുകള്‍ മാത്രമാണ്.

124 റൺസാണ് ഈ വാര്‍ണര്‍ – മാര്‍ഷ് കൂട്ടുകെട്ട് രണ്ടാം വിക്കറ്റിൽ നേടിയത്. ദക്ഷിണാഫ്രിക്ക ഇംഗ്ലണ്ട് മത്സരഫലത്തെ ആശ്രയിച്ചായിരിക്കും നിലവില്‍ രണ്ടാം സ്ഥാനത്തുള്ള ഓസ്ട്രേലിയയുടെ സെമി സാധ്യത.

 

Previous articleറാസ്സി മാസ്സ്!!! ഇംഗ്ലണ്ടിനെ അടിച്ച് പറത്തി ദക്ഷിണാഫ്രിക്ക
Next articleവീണ്ടും ഗോളുമായി ലെവൻഡോസ്കി, ഫ്രയ്ബർഗിന്റെ വെല്ലുവിളി അതിജീവിച്ചു ബയേൺ