ചിക്കന്‍ പോക്സ്, നുവാന്‍ പ്രദീപ് പുറത്ത്, പകരക്കാരനായി കസുന്‍ രജിത

ലോകകപ്പ് സാധ്യതകള്‍ ഏകദേശം അവസാനിച്ച ശ്രീലങ്കയ്ക്ക് തിരിച്ചടിയായി മറ്റൊരു വാര്‍ത്ത കൂടി. ബൗളര്‍ നുവാന്‍ പ്രദീപ് ചിക്കന്‍ പോക്സ് വന്നതിനാല്‍ ലോകകപ്പ് സ്ക്വാഡില്‍ നിന്ന് പുറത്ത് പോകുകയാണെന്ന അറിയിപ്പാണ് ലങ്കന്‍ ബോര്‍ഡ് പുറത്ത് വിടുന്നത്. ഇന്നലെ ദക്ഷിണാഫ്രിക്കയ്ക്കെതിരെയുള്ള മത്സരത്തില്‍ താരം കളിച്ചിരുന്നില്ല. പനിയാണ് കാരണമായി പറഞ്ഞിരുന്നത്. എന്നാലിപ്പോള്‍ താരത്തിന് ചിക്കന്‍ പോക്സാണെന്ന സ്ഥിതീകരണമാണ് വരുന്നത്.

അഫ്ഗാനിസ്ഥാനെതിരെയുള്ള ലങ്കയുടെ വിജയത്തിലെ നിര്‍ണ്ണായക പങ്ക് വഹിച്ച താരമാണ് നുവാന്‍ പ്രദീപ്. ശ്രീലങ്ക പകരക്കാരനായി കസുന്‍ രജിതയെ ടീമിലേക്ക് ഉള്‍പ്പെടുത്തിയിട്ടുണ്ട്.

Previous articleഫകര്‍ സമന്‍ LBW മുജീബ് റഹ്മാന്‍, ചരിത്രം വീണ്ടും ആവര്‍ത്തിച്ചു
Next articleതകര്‍ന്നടിഞ്ഞ് ഓസ്ട്രേലിയ, നൂറ് കടക്കുന്നതിന് മുമ്പ് അഞ്ച് വിക്കറ്റ് നഷ്ടം