സൂപ്പര്‍നോവാസിനോട് 12 റണ്‍സിന്റെ തോല്‍വിയേറ്റു വാങ്ങിയെങ്കിലും വനിത ടി20 ചലഞ്ചിന്റെ ഫൈനലിലേക്ക് യോഗ്യത നേടി വെലോസിറ്റി. സൂപ്പര്‍നോവാസും വെലോസിറ്റിയും തമ്മിലാണ് നാളെ നടക്കുന്ന ഫൈനലില്‍ ഏറ്റുമുട്ടുക. മൂന്ന് ടീമുകള്‍ക്കും ഓരോ ജയം സ്വന്തമാക്കുവാനായെങ്കിലും റണ്‍റേറ്റില്‍ സൂപ്പര്‍നോവാസ് ഒന്നാം സ്ഥാനത്തും വെലോസിറ്റി രണ്ടാം സ്ഥാനത്തും എത്തുകയായിരുന്നു.
നേരത്തെ ആദ്യം ബാറ്റ് ചെയ്ത സൂപ്പര്‍നോവാസ് ജെമീമ റോഡ്രിഗസ്സിന്റെ(77) അര്‍ദ്ധ ശതകത്തിന്റെ ബലത്തില്‍ 20 ഓവറില്‍ മൂന്ന് വിക്കറ്റ് നഷ്ടത്തില്‍ 142 റണ്‍സ് നേടുകയായിരുന്നു. മറുപടി ബാറ്റിംഗിനിറങ്ങിയ വെലോസിറ്റിയ്ക്ക് 130 റണ്‍സാണ് 3 വിക്കറ്റ് നഷ്ടത്തില്‍ നേടിയത്. ഡാനിയേല്‍ വയട്ട് 43 റണ്‍സ് നേടി പുറത്തായപ്പോള്‍ മിത്താലി രാജും(40*) വേദ കൃഷ്ണമൂര്‍ത്തിയും(30*) പുറത്താകാതെ നിന്നുവെങ്കിലും ഇന്നിംഗ്സിനു വേഗത നല്‍കുവാന്‍ താരങ്ങള്‍ക്കായിരുന്നില്ല.
അനൂജ പാട്ടില്‍, രാധ യാദവ്, പൂനം യാദവ് എന്നിവരാണ് സൂപ്പര്‍നോവാസിനു വേണ്ടി വിക്കറ്റുകള്‍ നേടിയത്.
