ന്യൂസിലാണ്ടിനെതിരെയുള്ള ഏകദിന പരമ്പര ഓസ്ട്രേലിയ വൈറ്റ്‍വാഷ് ചെയ്തപ്പോള്‍ 21 ഏകദിനങ്ങളില്‍ തുടര്‍ച്ചയായ ജയമെന്ന ലോക റെക്കോര്‍ഡിനൊപ്പമാണ് ടീം എത്തിയത്. പരമ്പരയിലെ രണ്ട് ഇന്നിംഗ്സുകളില്‍ നിന്നായി 163 റണ്‍സ് നേടിയ മെഗ് ലാന്നിംഗ് ഏകദിന റാങ്കിലെ ബാറ്റിംഗ് ഒന്നാം സ്ഥാനം കൈക്കലാക്കുകയും ചെയ്തു. രണ്ടാം ഏകദിനത്തില്‍ അപരാജിതയായി നിന്ന താരം 101 റണ്‍സ് നേടിയിരുന്നു.
വെസ്റ്റിന്‍ഡീസിന്റെ സ്റ്റെഫാനി ടെയിലറിനെയാണ് ലാന്നിംഗ് ഒന്നാം സ്ഥാനത്ത് നിന്ന് പിന്തള്ളിയത്. നാല് സ്ഥാനങ്ങള്‍ മെച്ചപ്പെടുത്തിയാണ് താരം ഒന്നാം സ്ഥാനത്തേക്ക് ഉയര്‍ന്നത്. കരിയറില്‍ ഇത് അഞ്ചാം തവണയാണ് മെഗ് ലാന്നിംഗ് ഒന്നാം സ്ഥാനത്ത്എത്തുന്നത്.
ഓസ്ട്രേലിയയുടെ തന്നെ ജെസ്സ് ജോന്നാസെന്‍ ആണ് ബൗളര്‍മാരുടെ പട്ടികയില്‍ ഒന്നാമത്. പരമ്പരയില്‍ 8 വിക്കറ്റാണ് താരം നേടിയത്. കരിയറിലെ ഏറ്റവും മികച്ച റേറ്റിംഗ് ആയ 804 പോയിന്റ്സാണ് താരം നേടിയത്.
