കറാച്ചിയിലെ ആദ്യ ടി20യിൽ മികച്ച വിജയവുമായി പാക്കിസ്ഥാന്. ഇന്ന് ആദ്യം ബാറ്റ് ചെയ്ത ദക്ഷിണാഫ്രിക്ക 3 വിക്കറ്റ് നഷ്ടത്തിൽ 150 റൺസ് നേടിയപ്പോള്‍ അവസാന പന്തിൽ പാക്കിസ്ഥാന് വിജയം കരസ്ഥമാക്കി 8 റൺസായിരുന്നു പാക്കിസ്ഥാന് അവസാന ഓവറിൽ നേടേണ്ടിയിരുന്നത്. 28 റൺസ് നേടിയ ആലിയ റിയാസ് പാക് വിജയം ഉറപ്പാക്കി. ബിസ്മ മാറൂഫ് 37 റൺസുമായി ടീമിന്റെ ടോപ് സ്കോറര്‍ ആയപ്പോള്‍ സിദ്ര അമീന്‍ 33 റൺസ് നേടി പുറത്തായി. 19 റൺസ് നേടിയ മുനീബ അലിയും നിര്‍ണ്ണായക ബാറ്റിംഗ് പ്രകടനം കാഴ്ചവെച്ചു.
നേരത്തെ ആദ്യം ബാറ്റ് ചെയ്ത ദക്ഷിണാഫ്രിക്കയ്ക്കായി 78 റൺസ് നേടിയ ടാസ്മിന്‍ ബ്രിറ്റ്സ് ടോപ് സ്കോറര്‍ ആയപ്പോള്‍ ലോറ വോള്‍വാര്‍ഡട് 44 റൺസ് നേടി. ഒന്നാം വിക്കറ്റിൽ കൂട്ടുകെട്ട് 85 റൺസാണ് നേടിയത്. രണ്ടാം വിക്കറ്റിൽ മരിസാനെ കാപ്പും – ബ്രിറ്റ്സും ചേര്‍ന്ന് 58 റൺസ് കൂടി നേടി.
