വനിത ടി20യിലും ടീം റാങ്കിംഗ് ആരംഭിച്ച് ഐസിസി. ഇന്നാണ് ആദ്യത്തെ റാങ്കിംഗ് പട്ടിക പുറത്ത് വിട്ടത്. ഓസ്ട്രേലിയയാണ് ഏകദിനത്തിലെ പോലെ ടി20യിലും ഒന്നാം സ്ഥാനത്ത് നില്‍ക്കുന്നത്. ന്യൂസിലാണ്ട്, ഇംഗ്ലണ്ട്, വിന്‍ഡീസ് എന്നിവര്‍ക്ക് പിന്നിലായി ഇന്ത്യ അഞ്ചാം സ്ഥാനത്ത് നില്‍ക്കുന്നു. 45 ടീമുകളുടെ പട്ടികയാണ് ഐസിസി ടി20 റാങ്കിംഗിനായി തയ്യാറാക്കിയിരിക്കുന്നത്.
280 റേറ്റിംഗ് പോയിന്റുകളുള്ള ഓസ്ട്രേലിയയ്ക്ക് തൊട്ടു പിന്നിലാണ് 277 പോയിന്റുമായി ന്യൂസിലാണ്ടും 276 പോയിന്റുമായി ഇംഗ്ലണ്ടും നിലകൊള്ളുന്നു. വിന്‍ഡീസ് 259 പോയിന്റ് നേടിയപ്പോള്‍ അഞ്ചാം സ്ഥാനത്തുള്ള ഇന്ത്യയ്ക്ക് 249 പോയിന്റാണുള്ളത്.
