primus mobile
primus mobile

രസംകൊല്ലിയായി മഴ, ദക്ഷിണാഫ്രിക്കയും ഇംഗ്ലണ്ടും തമ്മിലുള്ള ഏക ടെസ്റ്റ് സമനിലയിൽ

Southafricaengland

നാലാം ദിവസം ബഹുഭൂരിപക്ഷം സമയവും മഴ കാരണം കളി തടസ്സപ്പെട്ട ഇംഗ്ലണ്ട് ദക്ഷിണാഫ്രിക്ക വനിത ഏക ടെസ്റ്റ് സമനിലയിൽ അവസാനിച്ചു. രണ്ടാം ഇന്നിംഗ്സിൽ ദക്ഷിണാഫ്രിക്ക 181/5 എന്ന നിലയിൽ എത്തിയപ്പോള്‍ ആണ് മഴ വില്ലനായി എത്തിയത്.

ആദ്യ ഇന്നിംഗ്സിൽ ദക്ഷിണാഫ്രിക്ക 284 റൺസിന് ഓള്‍ഔട്ട് ആയപ്പോള്‍ ഇംഗ്ലണ്ട് തങ്ങളുടെ ഒന്നാം ഇന്നിംഗ്സ് 417/8 എന്ന നിലയിൽ ഡിക്ലയര്‍ ചെയ്യുകയായിരുന്നു. രണ്ടാം ഇന്നിംഗ്സിൽ ദക്ഷിണാഫ്രിക്ക 64/4 എന്ന നിലയിലേക്ക് വീണപ്പോള്‍ ഇംഗ്ലണ്ടിന് വിജയ പ്രതീക്ഷയുണ്ടായെങ്കിലും ലിസെല്ലേ ലീ(36), മാരിസാനെ കാപ്പ്(43*), തുമി സേഖുഖുനേ(33*) എന്നിവര്‍ പൊരുതി നിന്നപ്പോള്‍ മഴ കൂടിയെത്തി മത്സരം സമനിലയിലേക്ക് എത്തിക്കുകയായിരുന്നു.

ലീയും തുമിയും അഞ്ചാം വിക്കറ്റിൽ 54 റൺസ് നേടിയപ്പോള്‍ ആറാം വിക്കറ്റിൽ തുമിയും കാപ്പും ചേര്‍ന്ന് നിര്‍ണ്ണായകമായ 63 റൺസാണ് നേടിയത്.