ഇംഗ്ലണ്ടിനെതിരെ മൂന്നാം ഏകദിനത്തിലും ആധികാരിക വിജയം നേടി ഓസ്ട്രേലിയന്‍ വനിതകള്‍. ഇന്ന് നടന്ന മത്സരത്തിൽ ആദ്യം ബാറ്റ് ചെയ്ത ഇംഗ്ലണ്ട് വെറും 163 റൺസിന് ഓള്‍ഔട്ട് ആയപ്പോള്‍ ഓസ്ട്രേലിയ 36.2 ഓവറിൽ രണ്ട് വിക്കറ്റ് നഷ്ടത്തിൽ ലക്ഷ്യം മറികടന്നു.
4 വിക്കറ്റ് നേടിയ ആനാബെൽ സതര്‍ലാണ്ട് ആണ് ഇംഗ്ലണ്ടിന്റെ നടുവൊടിച്ചത്. 50 റൺസ് നേടിയ താമി ബ്യൂമോണ്ടും 46 റൺസ് നേടിയ നത്താലി സ്കിവറും മാത്രമാണ് ഇംഗ്ലണ്ട് നിരയിൽ റൺസ് കണ്ടെത്തിയത്.
മെഗ് ലാന്നിംഗ്(57*), അലൈസ ഹീലി(42), റേച്ചൽ ഹെയിന്‍സ്(31), എല്‍സെ പെറി(31*) എന്നിവര്‍ ആണ് ഓസ്ട്രേലിയയുടെ വിജയം അനായാസമാക്കിയത്.
