ടി20 ലോകകപ്പിന് ശേഷം ന്യൂസിലാണ്ട് വനിതകള് ഇന്ത്യ സന്ദര്ശനത്തിനെത്തുന്നു. മൂന്ന് ഏകദിനങ്ങളിലാണ് ഇരു ടീമുകളും ഏറ്റുമുട്ടുക. ഒക്ടോബര് 24, 27, 29 തീയ്യതികളിലാണ് മത്സരങ്ങള് നടക്കുക. അഹമ്മദാബാദിലാണ് പരമ്പര.
ഐസിസി വനിത ഏകദിന ചാമ്പ്യന്ഷിപ്പ് 2022-25 ന്റെ ഭാഗമായുള്ള പരമ്പരയാണ് ഇത്. 10 ടീമുകളുള്ള പോയിന്റ് പട്ടികയിൽ ന്യൂസിലാണ്ട് 6ാം സ്ഥാനത്താണ്. ഇതുവരെ 18 ഏകദിനങ്ങളിൽ 8 എണ്ണം മാത്രമാണ് ടീം വിജയിച്ചത്.
2025 ഏകദിന ലോകകപ്പിന്റെ ആതിഥേയര് എന്ന നിലയിൽ ഇന്ത്യയ്ക്ക് സ്വാഭാവിക യോഗ്യത ലഭിച്ചപ്പോള് പോയിന്റ് പട്ടികയിലെ മറ്റു അഞ്ച് മുന് നിര ടീമുകള് ടൂര്ണ്ണമെന്റിനായി യോഗ്യത നേടും.
ബാക്കി 4 ടീമുകള് യോഗ്യത റൗണ്ടിലേക്ക് പോയി അവിടെ നിന്ന് യോഗ്യത നേടുന്ന ശ്രമം തുടരും.