മെഹ്ദി ഹസന്‍ പൊരുതി വീണു, വിന്‍ഡീസിന് ധാക്കയില്‍ ആവേശോജ്ജ്വലമായ വിജയം

Westindies

ധാക്കയില്‍ ആവേശകരമായ വിജയം കരസ്ഥമാക്കി വെസ്റ്റ് ഇന്‍ഡീസ്. ഇന്ന് 231 റണ്‍സ് വിജയ ലക്ഷ്യം തേടിയിങ്ങിയ ബംഗ്ലാദേശിന്റെ ടോപ് ഓര്‍ഡര്‍ തകര്‍ന്നുവെങ്കിലും മെഹ്ദി ഹസന്‍ വാലറ്റത്തോടൊപ്പം നിന്ന് ബംഗ്ലാദേശിനെ വിജയത്തിന് തൊട്ടരുകിലെത്തിച്ചുവെങ്കിലും താരം 31 റണ്‍സ് നേടി അവസാന വിക്കറ്റായി വീണപ്പോള്‍ ബംഗ്ലാദേശിനെതിരെ 17 റണ്‍സിന്റെ വിജയം വിന്‍ഡീസ് നേടി.

231 റണ്‍സ് വിജയ ലക്ഷ്യം പിന്തുടര്‍ന്നിറങ്ങിയ ബംഗ്ലാദേശ് ഒരു ഘട്ടത്തില്‍ 59/0 എന്ന നിലയിലായിരുന്നുവെങ്കിലും തുടര്‍ന്ന് ബാറ്റിംഗ് തകര്‍ച്ച നേരിട്ട ടീം 213 റണ്‍സിന് ഓള്‍ഔട്ട് ആവുന്ന കാഴ്ചയാണ് കണ്ടത്. 50 റണ്‍സ് നേടിയ തമീം ഇക്ബാല്‍ കഴിഞ്ഞാല്‍ 31 റണ്‍സ് നേടിയ മെഹ്ദി ഹസന്‍ ആണ് ടീമിന്റെ രണ്ടാമത്തെ ടോപ് സ്കോറര്‍. ജയത്തോടെ പരമ്പര 2-0ന് വിന്‍ഡീസ് സ്വന്തമാക്കി.

Rakheemcornwallwindies

തമീം ഇക്ബാല്‍ 50 റണ്‍സ് നേടി പുറത്തായപ്പോള്‍ മോമിനുള്‍ ഹക്ക്(26), ലിറ്റണ്‍ ദാസ്(22) എന്നിവര്‍ ക്രീസില്‍ നിലയുറപ്പിക്കുമെന്ന തോന്നല്‍ ബംഗ്ലാദേശ് ആരാധകര്‍ക്ക് നല്‍കിയെങ്കിലും വേഗത്തില്‍ മടങ്ങുകയായിരുന്നു. ഒട്ടുമിക്ക ബാറ്റ്സ്മാന്മാരും രണ്ടക്കത്തിലേക്ക് കടന്നുവെങ്കിലും അത് വലിയ സ്കോറാക്കി മാറ്റുവാന്‍ ആര്‍ക്കും സാധിച്ചില്ല.

വിന്‍ഡീസിന് വേണ്ടി റഖീം കോര്‍ണ്‍വാല്‍ നാലും ജോമല്‍ വാരിക്കന്‍, ക്രെയിഗ് ബ്രാത്‍വൈറ്റ് എന്നിവര്‍ മൂന്ന് വീതം വിക്കറ്റും നേടി.

Previous articleഗില്‍ മടങ്ങി, ഇന്ത്യ 54/1
Next articleലെപ്സിഗിന്റെ ഉപമെനാകോയെ സ്വന്തമാക്കി ബയേൺ മ്യൂണിക്ക്