ഇപ്പോള്‍ നടക്കുന്ന ബംഗ്ലാദേശിന്റെ വിന്‍ഡീസ് പര്യടനത്തിന്റെ പ്രതിബിംബമെന്ന പോലെ മറുപടി പര്യടനത്തിനു വിന്‍ഡീസ് ഒരുങ്ങുന്നു. നവംബര്‍ 22നു ആരംഭിക്കുന്ന ടെസ്റ്റ് മത്സരത്തോടെയാവും പരമ്പര ആരംഭിക്കുന്നതെന്നാണ് ഇപ്പോളത്തെ തീരുമാനം. ഇപ്പോള്‍ നടക്കുന്ന പരമ്പരയ്ക്ക് സമാനമായി രണ്ട് ടെസ്റ്റുകളും മൂന്ന് വീതം ഏകദിനങ്ങളും ടി20യുമാവും പരമ്പരയിലുണ്ടാകുക. രണ്ടാം ടെസ്റ്റ് നവംബര്‍ 30നു ധാക്കയില്‍ ആരംഭിക്കും.
പരമ്പരയിലെ മൂന്ന് ഏകദിന മത്സരങ്ങളും ഡേ-നൈറ്റ് മത്സരങ്ങളാവും എന്ന് തീര്‍ച്ചയാക്കിയിട്ടുണ്ട്. ആദ്യ രണ്ട് മത്സരങ്ങളും ധാക്കയിലും മൂന്നാം ഏകദിനം സില്‍ഹെട്ടിലുമാവും അരങ്ങേറുക.
കൂടുതൽ കായിക വാർത്തകൾക്ക് : www.facebook.com/FanportOfficial
