വിന്‍ഡീസിന്റെ സാധ്യത ബാറ്റ്സ്മാന്മാരുടെ പ്രകടനത്തെ ആശ്രയിച്ചിരിക്കും – ഫില്‍ സിമ്മണ്‍സ്

- Advertisement -

ഇംഗ്ലണ്ടില്‍ വിന്‍ഡീസിന്റെ വിജയ സാധ്യത വിന്‍ഡീസ് ബാറ്റ്സ്മാന്മാരുടെ പ്രകടനത്തെ ആശ്രയിച്ചിരിക്കുമെന്ന് പറഞ്ഞ് മുഖ്യ കോച്ച് ഫില്‍ സിമ്മണ്‍സ്. മൂന്ന് പതിറ്റാണ്ടായി ഇംഗ്ലണ്ടില്‍ ഒരു പരമ്പര വിജയം കിട്ടാക്കനിയായി മാറിയിട്ടുണ്ട് വിന്‍ഡീസിന്. ഇപ്പോള്‍ കുറച്ച് കാലമായി ടീമിനെ പിടിച്ച് നിര്‍ത്തുന്നത് ബൗളിംഗ് പ്രകടനമാണെന്ന്, അവര്‍ക്ക് മാത്രം ഇംഗ്ലണ്ടില്‍ വിജയം നേടിക്കൊടുക്കാനാകില്ലെന്നും ബാറ്റിംഗ് കൂടി അവസരത്തിനൊത്തുയരേണ്ട സാഹചര്യമുണ്ടെന്നും ഫില്‍ സിമ്മണ്‍സ് വ്യക്തമാക്കി.

400-500 സ്കോറുകള്‍ നേടി ബാറ്റ്സ്മാന്മാര്‍ പിന്തുണ നല്‍കിയാലെ മികച്ച ബൗളിംഗ് യൂണിറ്റുകള്‍ക്ക് പോലും പിടിച്ച് നില്‍ക്കാനാകൂ എന്ന് സിമ്മണ്‍സ് വ്യക്തമാക്കി. ടെസ്റ്റ് ടീമിനെ കുറച്ച് നാളായി മുന്നോട്ട് നയിക്കുന്നത് ബൗളിംഗ് യൂണിറ്റാണ്, അതിന് മാറ്റം വന്നാല്‍ ഇംഗ്ലണ്ടില്‍ വിന്‍ഡീസിന് സാധ്യതയുണ്ടെന്നും സിമ്മണ്‍സ് വ്യക്തമാക്കി.

Advertisement