വിന്‍ഡീസിന്റെ ബൗളിംഗ് കരുത്ത് മികച്ചത്, അതിനാല്‍ തന്നെ ഇംഗ്ലണ്ടിനെതിരെ വെല്ലുവിളി ഉയര്‍ത്തുവാനാകും

- Advertisement -

വൈവിധ്യമാര്‍ന്നതും മികച്ചതുമാണ് വിന്‍ഡീസ് ബൗളിംഗെന്നും അതിനാല്‍ തന്നെ ഇംഗ്ലണ്ടിനെതിരെ വെല്ലുവിളി ഉയര്‍ത്തുവാന്‍ ടീമിനാവുമെന്നാണ് കരുതുന്നതെന്നും പറഞ്ഞ് വിന്‍ഡീസ് താരം ഷെയിന് ‍ഡോവ്റിച്ച്. വിന്‍ഡീസിന്റെ നാല് പേസര്‍മാരെ നോക്കിയാല്‍ അവര്‍ വ്യത്യസ്തരാണെന്ന് കാണാം. കെമര്‍ റോച്ച് ഇരുവശത്തേക്കും പന്ത് മൂവ് ചെയ്യുവാന്‍ കഴിവുള്ള താരമാണെങ്കില്‍ ഷാനണ്‍ ഗബ്രിയേലും അല്‍സാരി ജോസഫും മികച്ച പേസുള്ളവരാണ്.

ക്യാപ്റ്റന്‍ ജേസണ്‍ ഹോള്‍ഡര്‍ സ്ഥിരതയാര്‍ന്ന പ്രകടനം പുറത്തെടുക്കുന്ന താരമാണ്. ഇവരുടെയൊപ്പം പുതുമുഖ താരം ചെമര്‍ ഹോള്‍ഡറിനെയും പരിഗണിക്കുമ്പോള്‍ ഇത്രയേറെ വൈവിധ്യമാര്‍ന്ന ബൗളിംഗ് യൂണിറ്റിന് ഇംഗ്ലണ്ട് ബാറ്റ്സ്മാന്മാര്‍ക്കെതിരെ മികവ് പുലര്‍ത്താനാകുമെന്ന് ഉറപ്പാണെന്നും ഡോവ്റിച്ച് വ്യക്തമാക്കി.

Advertisement