വിരാട് കോഹ്‌ലിയാണ് തന്റെ റോൾ മോഡലെന്ന് സഞ്ജു സാംസൺ

Staff Reporter

Download the Fanport app now!
Appstore Badge
Google Play Badge 1

ഇന്ത്യൻ ക്യാപ്റ്റൻ വിരാട് കോഹ്‌ലിയാണ് തന്റെ റോൾ മോഡലെന്ന് മലയാളി താരം സഞ്ജു സാംസൺ. തന്റെ മാത്രമല്ല ഇന്ത്യയിലെ പറ്റു പല യുവ താരങ്ങളുടെയും റോൾ മോഡൽ വിരാട് കോഹ്‌ലിയാണെന്ന് സഞ്ജു സാംസൺ കൂട്ടിച്ചേർത്തു. ഇന്ത്യൻ പരിശീലകൻ രവി ശാസ്ത്രിയുടെയും വിരാട് കോഹ്‌ലിയുടെയും കീഴിൽ ഇന്ത്യൻ ഡ്രസിങ് റൂം വളരെയധികം എനർജി നിറഞ്ഞതും പോസിറ്റീവും ആണെന്നും സഞ്ജു സാംസൺ പറഞ്ഞു.

താൻ ആദ്യമായാണ് വിരാട് കോഹ്‌ലിയുമായി ഡ്രസിങ് റൂം പങ്കുവെക്കുന്നതെന്നും മത്സരത്തിനിടെ ഇന്ത്യൻ ക്യാപ്റ്റൻ ഗൗരവക്കാരൻ ആണെങ്കിലും മറ്റു അവസരങ്ങളിൽ ശാന്ത സ്വഭാവം ഉള്ള ആൾ ആണെന്നും സഞ്ജു സാംസൺ പറഞ്ഞു. നിലവിൽ വിരാട് കോഹ്‌ലി ഏറ്റവും മികച്ച ക്രിക്കറ്റ് താരമാണെന്നും താരത്തിന്റെ പരിശീലനവും മറ്റു തനിക്ക് ഒരുപാട് പ്രചോദനമാവാറുണ്ടെന്നും സഞ്ജു സാംസൺ പറഞ്ഞു.