ടി20യിലെ തന്റെ ഏറ്റവും ഉയര്‍ന്ന സ്കോര്‍ നേടി വിരാട് കോഹ്‍ലി

- Advertisement -

ഇന്ത്യയ്ക്ക് വേണ്ടി ടി20യിലെ തന്റെ ഏറ്റവും ഉയര്‍ന്ന സ്കോര്‍ നേടി വിരാട് കോഹ്‍ലി. ഇന്ന് ഹൈദ്രാബാദില്‍ വിന്‍ഡീസിനെതിരെയുള്ള വലിയ ചേസില്‍ ടീമിനെ വിജയത്തിലേക്ക് നയിച്ചപ്പോളാണ് ഇന്ത്യന്‍ നായകന്റെ ഈ നേട്ടം. 50 പന്തില്‍ നിന്ന് പുറത്താകാതെ 94 റണ്‍സ് നേടിയ വിരാട് 2016ല്‍ ഓസ്ട്രേലിയയ്ക്കെതിരെ പുറത്താകാതെ അഡിലെയ്ഡില്‍ നേടിയ 90 റണ്‍സെന്ന റെക്കോര്‍ഡാണ് മറികടന്നത്.

കോഹ്‍ലിയുടെ മൂന്നാമത്തെ ഉയര്‍ന്ന വ്യക്തിഗത ടി20 സ്കോറും വിന്‍ഡീസിനെതിരെ ആണ്. 2016ല്‍ വാങ്കഡേയില്‍ 89 റണ്‍സ് നേടി പുറത്താകാതെ നില്‍ക്കുകയായിരുന്നു കോഹ്‍ലി.

Advertisement