വിജയ് ഹസാരെ ട്രോഫിയ്ക്കുള്ള മുംബൈ ടീം സെലക്ഷന് തന്നെ അനുവദിക്കണമെന്ന് മുംബൈ ക്രിക്കറ്റ് അസോസ്സിയേഷനോട് ആവശ്യപ്പെട്ട് സലീല്‍ അങ്കോള. മുംബൈയുടെ മുഖ്യ സെലക്ടര്‍ ആണ് അങ്കോള. കോച്ച് അമിത് പാഗ്നിസ് സയ്യദ് മുഷ്താഖ് അലിയിലെ മോശം പ്രകടനം കാരണം രാജി വയ്ക്കുകയായിരുന്നു.
അടുത്ത ടൂര്‍ണ്ണമെന്റിന് മുമ്പ് ടീം സെലക്ഷന് നടത്തി താരങ്ങള്‍ക്ക് വേണ്ടത്ര സമയം പരിശീലനത്തിന് ലഭിയ്ക്കുവാന്‍ വേണ്ടിയാണ് തന്റെ ഈ ആവശ്യമെന്ന് അങ്കോള അറിയിച്ചു. ബിസിസിഐ ഫെബ്രുവരി മധ്യത്തോടെ വിജയ് ഹസാരെ ട്രോഫ് നടത്തുവാനുള്ള ആലോചനയിലാണെന്നും കോച്ച് ഇല്ലാത്ത ടീം പുതിയ കോച്ചിനെ കണ്ടെത്തി മാത്രം സെലക്ഷന് മുതിരുകയാണെങ്കില്‍ സമയം വൈകുമെന്നും അങ്കോള വ്യക്തമാക്കി.
