വിജയ് ഹസാരെ ട്രോഫിയുടെ ക്വാര്‍ട്ടറിൽ കേരളത്തിനെതിരെ ആദ്യം ബാറ്റ് ചെയ്ത രാജസ്ഥാന് 267 റൺസ്. ടോസ് നേടി കേരളം ബൗളിംഗ് തിരഞ്ഞെടുക്കുകയായിരുന്നു. മഹിപാൽ ലോംറോര്‍ നേടിയ 122 റൺസിന്റെ മികവിലാണ് രാജസ്ഥാന് 8 വിക്കറ്റ് നഷ്ടത്തിൽ ഈ സ്കോര്‍ നേടിത്. 66 റൺസ് നേടിയ കെഎസ് രാഥോര്‍ ആണ് മറ്റൊരു പ്രധാന സ്കോറര്‍.
4/108 എന്ന നിലയിലായിരുന്ന രാജസ്ഥാനെ അഞ്ചാം വിക്കറ്റിൽ റാഥോര്‍ – മഹിപാൽ കൂട്ടുകെട്ട് നേടിയ 114 റൺസാണ് തിരിച്ചുവരുവാന്‍ സഹായിച്ചത്. റാഥോറിനെ പുറത്താക്കി അഖിന്‍ ആണ് ഈ കൂട്ടുകെട്ട് തകര്‍ത്തത്. നേരത്തെ ഓപ്പണര്‍മാരെയും അഖിനാണ് പുറത്താക്കിയത്. കേരളത്തിനായി അഖിന്‍ 3 വിക്കറ്റ് നേടി. ബേസിൽ തമ്പി 2 വിക്കറ്റും നേടി.
തന്റെ ശതകം പൂര്‍ത്തിയാക്കി ലോംറോര്‍ അവസാന പന്തുകളിൽ അതിവേഗമാണ് സ്കോറിംഗ് നടത്തിയത്.
