മുംബൈ നേടിയത് ഇന്ത്യയില്‍ ലിസ്റ്റ് എ മത്സരങ്ങളിലെ രണ്ടാമത്തെ മികച്ച സ്കോര്‍

Sports Correspondent

Download the Fanport app now!
Appstore Badge
Google Play Badge 1

വിജയ് ഹസാരെ ട്രോഫിയില്‍ റെയില്‍വേസിനെതിരെ 400/5 എന്ന സ്കോര്‍ അടിച്ച് കൂട്ടിയപ്പോള്‍ മുംബൈ സ്വന്തമാക്കിയത് ഇന്ത്യയിലെ ലിസ്റ്റ് എ മത്സരങ്ങളിലെ ഏറ്റവും ഉയര്‍ന്ന രണ്ടാമത്തെ സ്കോര്‍. ശ്രേയസ്സ് അയ്യരുടെയും(144), പൃഥ്വി ഷായുടെയും(129) സ്കോറിംഗ് മികവില്‍ മുംബൈ 400 റണ്‍സാണ് 50 ഓവറില്‍ നിന്ന് നേടിയത്. 67 റണ്‍സ് നേടി സൂര്യ കുമാര്‍ യാദവും നിര്‍ണ്ണായക പ്രകടനം പുറത്തെടുത്തു.

2009/10 സീസണില്‍ റെയില്‍വേസിനെതിരെ മധ്യ പ്രദേശ് നേടിയ 412/6 എന്ന സ്കോറാണ് ഏറ്റവും ഉയര്‍ന്ന ലിസ്റ്റ് എ സ്കോര്‍. 2007/08 സീസണില്‍ മുംബൈ മഹാരാഷ്ട്രയ്ക്കെതിരെ നേടിയ 398/3 എന്ന സ്കോറാണ് മൂന്നാം സ്ഥാനത്തുള്ളത്. നാലാം സ്ഥാനം ബംഗാളിനാണ്. 2003/04 സീസണില്‍ ആസമിനെതിരെ നേടിയ 397/5 എന്ന സ്കോറാണ് ബംഗാളിനു ഈ നേട്ടം സമ്മാനിച്ചത്.