ഏഷ്യ കപ്പിനിടെ യുഎഇയിലെ ഹോട്ടലില്‍ തന്നെ ബുക്കികള്‍ സമീപിച്ചുവെന്ന വെളിപ്പെടുത്തലുമായി അഫ്ഗാന്‍ വിക്കറ്റ് കീപ്പറും ഓപ്പണിംഗ് ബാറ്റ്സ്മാനുമായ മുഹമ്മദ് ഷെഹ്സാദ്. ഏഷ്യ കപ്പില്‍ മോശം പ്രകടനം പുറത്തെടുക്കണമെന്നായിരുന്നു ബുക്കികളുടെ ആവശ്യമെന്നാണ് താരം വെളിപ്പെടുത്തുന്നത്. എന്നാല്‍ ഷെഹ്സാദ് ഇത് ഉടന്‍ തന്നെ ഐസിസിയുടെ ആന്റി കറപ്ഷന്‍ യൂണിറ്റിനെ അറിയിച്ചുവെന്ന് താരം തന്നെ വെളിപ്പെടുത്തിയിട്ടുണ്ട്.
ഏഷ്യ കപ്പിലെ മൂന്ന് മത്സരങ്ങളില്‍ നിന്ന് ഷെഹ്സാദ് 34, 37, 20 എന്നീ സ്കോറുകളാണ് ഇതുവരെ നേടിയിട്ടുള്ളത്. ഇന്ന് ബംഗ്ലാദേശിനെ സൂപ്പര്‍ ഫോര്‍ മത്സരത്തില്‍ അഫ്ഗാനിസ്ഥാന്‍ ബംഗ്ലാദേശിനെ നേരിടുന്നുണ്ട്.
