ഇന്ത്യയെ വിമര്‍ശിച്ചാൽ ക്രിക്കറ്റ് പണ്ഡിതന്മാര്‍ക്ക് ജോലിയും നഷ്ടമാകും സോഷ്യൽ മീഡിയയിൽ നിന്ന് എതിര്‍പ്പും വരുന്നതിനാൽ ആരും അതിന് മുതിരാറില്ല – മൈക്കൽ വോൺ

ഇന്ത്യ കളിച്ച രീതിയെ ആരും വിമര്‍ശിക്കാത്തതിന് കാര്യം സോഷ്യൽ മീഡിയയിൽ നിന്നുള്ള ഇന്ത്യന്‍ ആരാധകരുടെ എതിര്‍പ്പും ഇന്ത്യയിലെ ജോലി ക്രിക്കറ്റ് പണ്ഡിതന്മാര്‍ക്ക് നഷ്ടമായേക്കും എന്നുമുള്ളത് കൊണ്ടാണെന്ന് പറഞ്ഞ് മുന്‍ ഇംഗ്ലണ്ട് നായകന്‍ മൈക്കൽ വോൺ.

ഇന്ത്യയുടെ ടി20 കളിക്കുന്ന ശൈലി കണ്ട് തനിക്ക് ഇവരെന്താണ് ചെയ്യുന്നതെന്ന് പലപ്പോഴും തോന്നാറുണ്ടെന്നും ആദ്യ അഞ്ചോവറിൽ എതിര്‍ ബൗളര്‍മാര്‍ക്ക് മേൽക്കൈ നൽകുവാനാണ് ഇന്ത്യ എപ്പോളും ശ്രമിക്കുന്നതെന്നും വോൺ കൂട്ടിചേര്‍ത്തു.