മെല്‍ബേണ്‍ ടെസ്റ്റില്‍ ഇന്ത്യയുടെ രണ്ടാം ഇന്നിംഗ്സ് ബൗളിംഗിനിടെ പരിക്കേറ്റ് മടങ്ങിയ ഉമേഷ് യാദവ് ഇനി ഓസ്ട്രേലിയയ്ക്കെതിരെയുള്ള ടെസ്റ്റ് പരമ്പരയില്‍ കളിക്കില്ല. താരത്തിന് പകരം സിഡ്നിയില്‍ ആര് ഇന്ത്യന്‍ ഇലവനില്‍ ഇടം പിടിയ്ക്കുമെന്നതില്‍ വ്യക്തതയില്ലെങ്കിലും ടി നടരാജന് തന്റെ ടെസ്റ്റ് അരങ്ങേറ്റം കുറിയ്ക്കുമെന്ന തരത്തിലുള്ള വാര്‍ത്തകളാണ് പുറത്ത് വരുന്നത്.
രണ്ട് ടെസ്റ്റില്‍ നിന്നായി 4 വിക്കറ്റാണ് ഉമേഷ് യാദവ് നേടിയത്. രണ്ടാം ടെസ്റ്റിന്റെ രണ്ടാം ഇന്നിംഗ്സില്‍ 4 ഓവര്‍ മാത്രം എറിഞ്ഞ ഉമേഷ് ജോ ബേണ്‍സിനെ പുറത്താക്കുകയായിരുന്നു. താരം നാട്ടിലേക്ക് ഉടന്‍ മടങ്ങുമെന്നും വരാനിരിക്കുന്ന ഇംഗ്ലണ്ട് പരമ്പരയ്ക്ക് മുമ്പ് പൂര്‍ണ്ണ സുഖം പ്രാപിക്കുമെന്നുമാണ് കരുതപ്പെടുന്നത്.
നടരാജന് പകരം ശര്‍ദ്ധുല്‍ താക്കൂറിന് ഇന്ത്യ സിഡ്നി ടെസ്റ്റില്‍ അവസരം നല്‍കിയേക്കുമെന്നും വാര്‍ത്തകള്‍ പുറത്ത് വരുന്നുണ്ട്.
