യുഎഇയിൽ ആരംഭിയ്ക്കുന്ന ഏറ്റവും പുതിയ ടി20 ലീഗ് ജനുവരിയിൽ ആരംഭിയ്ക്കും. ഐഎൽടി20 എന്ന ചുരുക്കപേരിൽ അറിയപ്പെടുന്ന ടൂര്‍ണ്ണമെന്റിന് ഇന്റര്‍നാഷണൽ ലീഗ് ടി20 എന്നാണ് പേരിട്ടിരിക്കുന്നത്. 6 ടീമുകളാണ് ലീഗിലുള്ളത്.
34 മത്സരങ്ങള്‍ ദുബായി, അബു ദാബി, ഷാര്‍ജ്ജ എന്നീ വേദികളിൽ ജനുവരി 6 മുതൽ ഫെബ്രുവരി 12 2023 വരെ ആണ് നടക്കുക. ഇതേ സമയത്ത് ദക്ഷിണാഫ്രിക്ക പുതുതായി ആരംഭിയ്ക്കുന്ന ടി20 ലീഗും നടക്കും എന്നതിനാൽ തന്നെ മത്സരങ്ങള്‍ തമ്മിലുള്ള തീയ്യതികളുമായി കൂട്ടിമുട്ടുവാന്‍ സാധ്യതയുണ്ട്.
അത് പോലെ ഈ കാലയളവിലാണ് ബിഗ് ബാഷും ആരംഭിക്കുവാന്‍ സാധ്യത. ഐഎൽടി20 അവസാനിച്ച ഉടനെ തന്നെ പാക്കിസ്ഥാന്‍ സൂപ്പര്‍ ലീഗും ആരംഭിയ്ക്കും.
