ഇന്ത്യയുടെ U-19 ലോകകപ്പ് പ്രയാണത്തിനു നാളെത്തുടക്കം

- Advertisement -

U-19 ലോകകപ്പിനായുള്ള ഇന്ത്യയുടെ പ്രയാണത്തിനു നാളെത്തുടക്കം. നാളെ ഓസ്ട്രേലിയയ്ക്കെതിരെയാണ് ഇന്ത്യയുടെ ആദ്യ മത്സരം. ഗ്രൂപ്പ് ബിയില്‍ സിംബാബ്‍വേയും പാപുവ ന്യൂ ഗിനിയുമാണ് ഇന്ത്യയ്ക്കും ഓസ്ട്രേലിയയ്ക്കും ഒപ്പമുള്ള മറ്റു രണ്ട് ടീമുകള്‍. ഇന്ത്യന്‍ ടീമിനെ നയിക്കുന്നത് പൃഥ്വി ഷായാണ്. ഓസ്ട്രേലിയന്‍ ടീമിനെ നയിക്കുന്നത് ഇന്ത്യന്‍ വംശജനായ ജേസണ്‍ ജസ്കീരത് സംഗയും. നാളെ ഇന്ത്യന്‍ സമയം പകല്‍ 6.30നാണ് ഇന്ത്യയും ഓസ്ട്രേലിയയും തമ്മിലുള്ള മത്സരം അരങ്ങേറുക. ന്യൂസിലാണ്ടിലെ ബേ ഓവലിലാണ് മത്സരം നടക്കുക.

ഗ്രൂപ്പില്‍ ഇന്ന് നടന്ന മറ്റൊരു മത്സരത്തില്‍ പാപുവ ന്യു ഗിനിയ്ക്കെതിരെ 10 വിക്കറ്റ് വിജയം സിംബാബ്‍വേ സ്വന്തമാക്കിയിരുന്നു. മഴ മൂലം 20 ഓവറായി മത്സരം ചുരുക്കുകയായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement