ടെസ്റ്റ് ക്രിക്കറ്റ് കാണാൻ തനിക്കിഷ്ടമല്ലായിരുന്നു, പക്ഷേ ഋഷഭ് പന്തിന്റെ വരവോട് കൂടി താനിപ്പോൾ ടെസ്റ്റ് ക്രിക്കറ്റും കാണാറുണ്ട്

Sports Correspondent

Download the Fanport app now!
Appstore Badge
Google Play Badge 1

ടെസ്റ്റ് ക്രിക്കറ്റ് കാണുവാൻ തനിക്കിഷ്ടമല്ലായിരുന്നുവെന്ന് പറഞ്ഞ് മുൻ ഇംഗ്ലണ്ട് താരം തൈമൽ മിൽസ്. എന്നാൽ ഋഷഭ് പന്ത് ടെസ്റ്റിൽ ബാറ്റ് ചെയ്യാനെത്തുമ്പോൾ താനിപ്പോൾ കളി കാണുന്നത് പതിവാണെന്ന് മിൽസ് പറഞ്ഞു. പന്ത് ക്രീസിലെത്തിയാൽ അത് ബോക്സോഫീസാണെന്നും ആവേശകരമായി മത്സരം മാറുമെന്നും മിൽസ് പറഞ്ഞു.

പന്ത് ക്രീസിലുണ്ടെങ്കിൽ ടിവി സ്ക്രീനിലേക്ക് കാണികളെ പിടിച്ചിരുത്തുവാനുള്ള കഴിവ് താരത്തിനുണ്ടെന്നും താരം ഏതാനും മികച്ച ടെസ്റ്റ് ഇന്നിംഗ്സ് കളിച്ച് മത്സരം ഒറ്റയ്ക്ക് മാറ്റി മറിച്ചിട്ടുണ്ടെന്നും തൈമൽ മിൽസ് അഭിപ്രായപ്പെട്ടു. ഇംഗ്ലണ്ടിലും ഓസ്ട്രേലിയയിലും ഇന്ത്യയ്ക്കായി തകർപ്പൻ ഇന്നിംഗ്സുകൾ പുറത്തെടുത്തയാളാണ് ഋഷഭ് പന്ത്.

അഹമ്മദാബാദിൽ സ്പിൻ വിക്കറ്റിൽ താൻ കളി കണ്ടിരുന്നുവെന്നും അത് ഓരോ പന്തിലും എന്തും സംഭവിക്കാമെന്ന് കരുതിയതിനാലാണെന്നും മിൽസ് പറഞ്ഞു.