ലൈക്ക കോവൈ കിംഗ്സിനെ പരാജയപ്പെടുത്തി വിബി കാഞ്ചി വീരന്‍സ്. ബാറ്റ്സ്മാന്മാര്‍ കൈവിട്ട മത്സരത്തില്‍ ബൗളര്‍മാരുടെ പ്രകടനത്തിലാണ് വിജയം സ്വന്തമാക്കുവാന്‍ കാഞ്ചി വീരന്‍സിനായത്. 116 റണ്‍സ് മാത്രമാണ് ആദ്യം ബാറ്റ് ചെയ്ത കാഞ്ച് വീരന്‍സ് നേടിയത്. 8 വിക്കറ്റുകള്‍ നഷ്ടമായ ടീമിനെ മുന്നോട്ട് നയിച്ചത് ബാബ അപരാജിത് ആയിരുന്നു. 32 പന്തില്‍ 41 റണ്‍സുമായി താരം പുറത്താകാതെ നിന്നു. 29 റണ്‍സ് നേടി എസ് അരുണ്‍ ആണ് ടീമില്‍ റണ്‍സ് കണ്ടെത്തിയ മറ്റൊരു താരം. കോവൈയ്ക്കായി അജിത്ത് റാം മൂന്ന് വിക്കറ്റ് നേടി. കൃഷ്ണമൂര്‍ത്തി വിഗ്നേഷ്, മണികണ്ഠന്‍, നടരാജന്‍, പ്രശാന്ത് രാജേഷ്, ആന്റണി ദാസ് എന്നിവര്‍ ഓരോ വിക്കറ്റ് നേടി.
അനായാസ വിജയം പ്രതീക്ഷിച്ചിറങ്ങിയ കോവൈ കിംഗ്സിനു ഔഷിക് ശ്രീനിവാസും കൂട്ടരും ചേര്‍ന്ന് പിടിച്ച് കെട്ടുകയായിരുന്നു. 20 ഓവറില്‍ 102/9 എന്ന നിലയില്‍ ഇന്നിംഗ്സ് അവസാനിച്ചപ്പോള്‍ 14 റണ്‍സിന്റെ ജയം കാഞ്ചി വീരന്‍സ് സ്വന്തമാക്കി. 4 ഓവറില്‍ വെറും 12 റണ്‍സ് മാത്രം വിട്ടു നല്‍കിയ ഔഷിക് മൂന്ന് വിക്കറ്റാണ് നേടിയത്. ദിവാകര്‍ രണ്ട് വിക്കറ്റ് നേടി താരത്തിനു മികച്ച പിന്തുണ നല്‍കി.
കൂടുതൽ കായിക വാർത്തകൾക്ക് : www.facebook.com/FanportOfficial
