യുഎഇയില്‍ നടക്കുന്ന ടി10 ലീഗ് രണ്ടാം സീസണില്‍ മാര്‍ക്കീ താരമായി എത്തിയ മോണെ മോര്‍ക്കല്‍ ക്രിക്കറ്റ് ഒളിമ്പിക്സിന്റെ ഭാഗമാകണമെന്ന് ആഗ്രഹം. ടൂര്‍ണ്ണമെന്റില്‍ ബംഗാള്‍ ടൈഗേഴ്സിനു വേണ്ടി കളിക്കുന്ന മോണെ മോര്‍ക്കല്‍ ഒളിമ്പിക്സില്‍ ഏറ്റവും അനുയോജ്യമായ ക്രിക്കറ്റ് ഫോര്‍മാറ്റ് ടി10 ആണെന്ന് അഭിപ്രായപ്പെടുകയായിരുന്നു.
ഈ വര്‍ഷം തന്റെ അന്താരാഷ്ട്ര കരിയര്‍ അവസാനിപ്പിച്ച താരം ക്രിക്കറ്റിനെ കൂടുതല്‍ ആഗോളമാക്കുന്നതില്‍ വലിയ പങ്ക് ടി10 ലീഗുകള്‍ വഹിക്കുമെന്ന് അഭിപ്രായപ്പെട്ടു. ആദ്യ സീസണ്‍ താന്‍ ഏറെ ശ്രദ്ധയോടെയാണ് വീക്ഷിച്ചതെങ്കിലും തനിക്ക് കളിക്കാനായിരുന്നില്ലെന്ന് പറഞ്ഞ മോര്‍ക്കല്‍ ഈ സീസണില്‍ തന്റെ കഴിവുകള്‍ മെച്ചപ്പെടുത്തി ഈ ഫോര്‍മാറ്റിലും തനിക്ക് തിളങ്ങാനാവുമെന്ന് പ്രത്യാശ പ്രകടിപിച്ചു.
