ത്രില്ലറിൽ തമിഴ്നാടിനെ തോൽപ്പിച്ച് സയ്ദ് മുഷ്‌താഖ്‌ അലി കിരീടം കർണാടകക്ക്

അവസാന ബോൾ ത്രില്ലറിൽ തമിഴ്നാടിനെ തോൽപ്പിച്ച് കർണാടക സയ്ദ് മുഷ്‌താഖ്‌ അലി ട്രോഫി കിരീടം സ്വന്തമാക്കി. 1 റണ്ണിന്റെ ജയം സ്വന്തമാക്കിയാണ് കർണാടക കിരീടം ചൂടിയത്.

ആദ്യം ബാറ്റ് ചെയ്ത കർണാടക 5 വിക്കറ്റ് നഷ്ടത്തിൽ 180 റൺസാണ് നേടിയത്. 45 പന്തിൽ 60 റൺസ് നേടിയ മനീഷ് പാണ്ഡെയും 28 പന്തിൽ 35 റൺസ്നേടിയ രോഹൻ കടമുമാണ് കർണാടകക്ക് വേണ്ടി മികച്ച സ്കോർ നേടിയത്.  അവസാന ഓവറുകളിൽ അടിച്ചുകളിച്ച കരുൺ നായരും കർണാടകയുടെ സ്കോർ ഉയർത്തി. 8 പന്തിൽ നിന്ന് 17 റൺസാണ് കരുൺ നായർ നേടിയത്.

തുടർന്ന് ബാറ്റ് ചെയ്ത തമിഴ്നാടിന് 6 വിക്കറ്റ് നഷ്ടത്തിൽ 179 റൺസ് എടുക്കാൻ മാത്രമാണ് ആയത്.  25 പന്തിൽ 40 റൺസ് എടുത്ത അപരാജിതും 27 പന്തിൽ 44 റൺസ് എടുത്ത വിജയ് ശങ്കറും തമിഴ്നാടിനെ ജയത്തോടെ അടുത്ത എത്തിച്ചെങ്കിലും 1 റൺ അകലെ വെച്ച് തമിഴ്‌നാടുവിന്റെ പോരാട്ടം അവസാനിക്കുകയായിരുന്നു.