ശ്രീലങ്കയിൽ താരമാകുവാൻ പോകുന്നത് സൂര്യകുമാര്‍ യാദവ്, സഞ്ജുവിനും ഇഷാൻ കിഷനും പരമ്പരയിൽ ശ്രദ്ധേയമായ പ്രകടനം പുറത്തെടുക്കാനാകും

Suryakumaryadav
- Advertisement -

ശ്രീലങ്കയിൽ താരമാകുവാൻ പോകുന്നത് സൂര്യകുമാര്‍ യാദവ് എന്ന് പറ‍ഞ്ഞ് മുൻ ഇന്ത്യൻ സെലക്ടര്‍ എംഎസ്കെ പ്രസാദ്. ജൂലൈയിൽ ഇന്ത്യയുടെ ലങ്കൻ ടൂറിന് രണ്ടാം നിര ടീമിനെയാണ് ഇന്ത്യ അയയ്ക്കുവാനിരിക്കുന്നത്. ഇതുവരെ സ്ക്വാഡ് പ്രഖ്യാപിച്ചിട്ടില്ലെങ്കിലും സൂര്യകുമാര്‍ യാദവ് ടീമിൽ ഉണ്ടാകുമെന്ന് ഉറപ്പാണ്. താരം ഇംഗ്ലണ്ടിനെതിരെയുള്ള ടി20 പരമ്പരയിൽ അരങ്ങേറ്റം കുറിച്ച സൂര്യകുമാര്‍ ആ മത്സരത്തിൽ അര്‍ദ്ധ ശതകം നേടിയിരുന്നു.

Indiasanju

സൂര്യകുമാര്‍ യാദവിന് പുറമെ സഞ്ജു സാംസണിനും ഇഷാൻ കിഷാനും പരമ്പരയിൽ മികവ് പുലര്‍ത്താനാകമെന്നാണ് താൻ കരുതുന്നതെന്നും അവര്‍ക്ക് മികച്ച അവസരമാണുള്ളതെന്നു പ്രസാദ് വ്യക്തമാക്കി. ഇന്ത്യൻ യുവനിരയുടെ ആത്മവിശ്വാസം മികച്ചതാണെന്നും അരങ്ങേറ്റത്തിൽ തന്നെ സൂര്യകുമാറും ഇഷാനും ഇത് തെളിയിച്ചതാണെന്നും പ്രസാദ് പറഞ്ഞു.

ഇന്ത്യയുടെ രണ്ടാം നിര ശ്രീലങ്കയെ അവരുടെ നാട്ടിൽ വെച്ച് തകര്‍ത്തെറിയുമെന്നാണ് എംഎസ്കെ പ്രസാദ് പറഞ്ഞത്.

Advertisement