അയര്‍ലണ്ടിന്റെ ബാറ്റ്സ്മാന്‍ പോള്‍ സ്റ്റിര്‍ലിംഗ് ബംഗ്ലാദേശ് പ്രീമിയര്‍ ലീഗ് 2019 പതിപ്പില്‍ കളിക്കാനെത്തുന്നു. ജനുവരി 5നു ആരംഭിക്കുന്ന ടൂര്‍ണ്ണമെന്റില്‍ ഖുല്‍ന ടൈറ്റന്‍സിനു വേണ്ടിയാണ് പോള്‍ സ്റ്റിര്‍ലിംഗ് പാഡ് അണിയുക. നിയാല്‍ ഒബ്രൈനു ശേഷം സ്റ്റിര്‍ലിംഗ് ടൈറ്റന്‍സിനു വേണ്ടി കളിക്കുന്ന അയര്‍ലണ്ടിന്റെ രണ്ടാമത്തെ താരമാണ്.
കോച്ച മഹേല ജയവര്‍ദ്ധനേയുമായി സഹകരിച്ച പ്രവര്‍ത്തിക്കുവാനുള്ള തന്റെ സുവര്‍ണ്ണാവസരമായാണ് താന്‍ ഇതിനെ കാണുന്നതെന്നും സ്റ്റിര്‍ലിംഗ് പറഞ്ഞു. ലോകോത്തര താരങ്ങള്‍ പങ്കെടുക്കുന്ന ലീഗിന്റെ ഭാഗമാകുവാനായതില്‍ സന്തോഷമുണ്ടെന്നും താരം വ്യക്തമാക്കി. നേപ്പാളിലെ എവറെസ്റ്റ് പ്രീമിയര്‍ ലീഗിലും ടി10 ടൂര്‍ണ്ണമെന്റിലുമെല്ലാം കളിച്ച പരിചയസമ്പത്തുമായാണ് സ്റ്റിര്‍ലിംഗ് കളത്തിലെത്തുന്നത്.
