സ്റ്റാര്‍ക്കിനു മുന്നില്‍ തകര്‍ന്ന് ശ്രീലങ്ക, 366 റണ്‍സ് ജയം സ്വന്തമാക്കി ഓസ്ട്രേലിയ

- Advertisement -

ശ്രീലങ്കയെ രണ്ടാം ടെസ്റ്റിലും പരാജയപ്പെടുത്തി ഓസ്ട്രേലിയ. 366 റണ്‍സിന്റെ വിജയമാണ് ഓസ്ട്രേലിയ സന്ദര്‍ശകരെ 149 റണ്‍സിനു പുറത്താക്കിയ ശേഷം സ്വന്തമാക്കിയത്. 17/0 എന്ന തലേ ദിവസത്തെ സ്കോറില്‍ നിന്ന് ബാറ്റിംഗ് പുനരാരംഭിച്ച ശ്രീലങ്ക 51 ഓവറില്‍ 149 റണ്‍സിനു ഓള്‍ഔട്ട് ആകുകയായിരുന്നു. രണ്ടാം ഇന്നിംഗ്സിലും അഞ്ച് വിക്കറ്റ് നേട്ടം കൊയ്ത് മിച്ചല്‍ സ്റ്റാര്‍ക്ക് തന്റെ വിക്കറ്റ് നേട്ടം മത്സരത്തില്‍ നിന്ന് പത്താക്കി മാറ്റി. 42 റണ്‍സ് നേടിയ കുശല്‍ മെന്‍ഡിസ് ആണ് ശ്രീലങ്കയുടെ ടോപ് സ്കോറര്‍.

ലഹിരു തിരിമന്നേ 30 റണ്‍സ് നേടിയപ്പോള്‍ നിരോഷന്‍ ഡിക്ക്വെല്ല 27 റണ്‍സ് നേടി പുറത്തായി. ചമിക കരുണാരന്തേയാണ് രണ്ടക്കം കടന്ന മറ്റൊരു താരം. 22 റണ്സാണ് വാലറ്റത്തില്‍ താരം സ്വന്തമാക്കിയത്. സ്റ്റാര്‍ക്കിനു പുറമെ പാറ്റ് കമ്മിന്‍സ് മൂന്ന് വിക്കറ്റ് നേടി ഓസ്ട്രേലിയന്‍ നിരയില്‍ തിളങ്ങി.

Advertisement