ഇത് ദക്ഷിണാഫ്രിക്കയുടെ ഹോം സിരീസോ, പോര്‍ട്ട് എലിസബത്തിലും നാണംകെട്ട് ആതിഥേയര്‍, നാല് ബാറ്റ്സ്മാന്മാര്‍ പൂജ്യത്തിനു പുറത്ത്

- Advertisement -

ഡര്‍ബനിലേതിനു പിന്നാലെ പോര്‍ട്ട് എലിസബത്തിലും ബാറ്റിംഗ് തകര്‍ച്ച നേരിട്ട് ദക്ഷിണാഫ്രിക്ക. ഇന്ന് രണ്ടാം ടെസ്റ്റിന്റെ ആദ്യ ദിവസം 61.2 ഓവറില്‍ 222 റണ്‍സിനു ടീം ഓള്‍ഔട്ട് ആവുകയായിരുന്നു. 15/3 എന്ന നിലയില്‍ നിന്ന് കരകയറിയെങ്കിലും വലിയൊരു സ്കോര്‍ നേടുവാന്‍ ദക്ഷിണാഫ്രിക്കയ്ക്ക് സാധിച്ചില്ല. ക്വിന്റണ്‍ ഡി കോക്ക് 86 റണ്‍സ് നേടി ടോപ് സ്കോറര്‍ ആയപ്പോള്‍ എയ്ഡന്‍ മാര്‍ക്രം 60 റണ്‍സ് നേടി.

കാഗിസോ റബാഡ(22), ഫാഫ് ഡു പ്ലെസി(25) എന്നിവരൊഴികെ ആര്‍ക്കും രണ്ടക്കം പോലും നേടാനായില്ല. ശ്രീലങ്കയ്ക്കായി വിശ്വ ഫെര്‍ണാണ്ടോയും കസുന്‍ രജിതയും മൂന്ന് വീതം വിക്കറ്റും ധനന്‍ജയ ഡിസില്‍വ രണ്ട് വിക്കറ്റും നേടി. ഇന്നിംഗ്സില്‍ ഡി കോക്ക്-മാര്‍ക്രം കൂട്ടുകെട്ട് നേടിയ 67 റണ്‍സ് ആണ് ദക്ഷിണാഫ്രിക്കയുടെ ഇന്നിംഗ്സിലെ ഏറ്റവും ഉയര്‍ന്ന ബാറ്റിംഗ് പാര്‍ട്ണര്‍ഷിപ്പ്.

Advertisement