ന്യൂസിലാണ്ടിനെതിരെയുള്ള ടെസ്റ്റ് പരമ്പരയ്ക്കുള്ള 17 അംഗ സ്ക്വാഡിനെ പ്രഖ്യാപിച്ച് ശ്രീലങ്ക. വെല്ലിംഗ്ടണിലും ക്രൈസ്റ്റ്ചര്‍ച്ചിലുമായി രണ്ട് ടെസ്റ്റുകളാണ് ശ്രീലങ്ക കളിയ്ക്കുന്നത്. അവയില്‍ ആദ്യത്തേത് ഡിസംബര്‍ 15നു ആരംഭിയ്ക്കും. ഇംഗ്ലണ്ടിനെതിരെയുള്ള ടെസ്റ്റ് പരമ്പരയില്‍ നാട്ടില്‍ 3-0നു കീഴടങ്ങിയ ശ്രീലങ്ക സുരംഗ ലക്മലിനെ വൈസ് ക്യാപ്റ്റന്‍ സ്ഥാനത്ത് നിന്ന് മാറ്റി ദിമുത് കരുണാരത്നേയെ ആ സ്ഥാനത്തേക്ക് നിയമിക്കുകും ചെയ്തു.
ശ്രീലങ്ക: ദിനേശ് ചന്ദിമല്‍, ദിമുത് കരുണാരത്നേ, കുശല്‍ മെന്‍ഡിസ്, ധനന്‍ജയ ഡി സില്‍വ, ആഞ്ചലോ മാത്യൂസ്, റോഷെന്‍ സില്‍വ, നിരോഷന്‍ ഡിക്ക്വെല്ല, ധനുഷ്ക ഗുണതിലക, ലഹിരു തിരിമന്നേ, സദീര സമരവിക്രമ, ദില്‍രുവന്‍ പെരേര, ലക്ഷന്‍ സണ്ടകന്‍, സുരംഗ ലക്മല്‍, നുവാന്‍ പ്രദീപ്, കസുന്‍ രജിത, ലഹിരു കുമര, ദുഷ്മന്ത ചമീര
