കൊളംബോയിലെ സിംഹളീസ് സ്‌പോർട്‌സ് ക്ലബ്ബ് ഗ്രൗണ്ടിൽ നടക്കുന്ന പാകിസ്ഥാൻ-ശ്രീലങ്ക രണ്ടാം ടെസ്റ്റ് മത്സരത്തിന്റെ ആദ്യ ദിനം അവസാനിക്കുമ്പോൾ പാകിസ്താൻ ശക്തമായ നിലയിൽ. അബ്ദുള്ള ഷഫീഖിന്റെയും ഷാൻ മസൂദിന്റെയും അർധസെഞ്ചുറിയുൻ അബ്രാർ അഹമ്മദും നസീം ഷായും ചേർന്ന് വീഴ്ത്തി ഏഴ് വിക്കറ്റും ആദ്യ ദിനം പാകിസ്ഥാന്റേതാക്കി മാറ്റി.
ആദ്യം ബാറ്റ് ചെയ്യാൻ തീരുമാനിച്ച ശ്രീലങ്ക ഇന്ന് 48.4 ഓവറിൽ 166 റൺസിന് പുറത്തായി. വലംകയ്യൻ സ്പിന്നർ അബ്രാർ 20.4 ഓവറിൽ 69 റൺസ് വഴങ്ങി നാല് വിക്കറ്റ് വീഴ്ത്തി. 14 ഓവറിൽ 41 റൺസ് വഴങ്ങി മൂന്ന് വിക്കറ്റ് വീഴ്ത്തിയ നസീം ഷാ അദ്ദേഹത്തിന് മികച്ച പിന്തുണ നൽകി. ഇടംകൈയ്യൻ പേസർ ഷഹീൻ ഷാ അഫ്രീദി ഒരു വിക്കറ്റ് വീഴ്ത്തിയപ്പോൾ രണ്ട് ശ്രീലങ്കൻ ബാറ്റ്‌സ്മാൻ റണ്ണൗട്ടായി.
മറുപടി ബാറ്റിംഗിന് ഇറങ്ങിയ പാകിസ്ഥാന്
2.3 ഓവറിൽ 13 റൺസ് എടുക്കുന്നതിനിടെ ഓപ്പണിംഗ് ബാറ്റ്‌സ്മാൻ ഇമാം ഉൾ ഹഖിനെ (6 പന്തിൽ 6, 1×4) നഷ്ടമായി. ഷാനിനൊപ്പം അബ്ദുള്ളയും ചേർന്ന് രണ്ടാം വിക്കറ്റിൽ 117 പന്തിൽ 108 റൺസിന്റെ കൂട്ടുകെട്ട് പടുത്തുയർത്തി പാകിസ്താനെ ഭദ്രമായ നിലയിൽ എത്തിച്ചു. 47 പന്തിൽ നാല് ഫോറും ഒരു സിക്സും സഹിതം 51 റൺസാണ് ഷാൻ നേടിയത്.
കളി നിർത്തുമ്പോൾ, പാകിസ്ഥാൻ 28.3 ഓവറിൽ രണ്ട് വിക്കറ്റ് നഷ്ടത്തിൽ 145 റൺസ് എന്ന നിലയിലാണ്. 99 പന്തിൽ ഏഴ് ഫോറും രണ്ട് സിക്സും പറത്തി 74 റൺസുമായി അബ്ദുള്ള പുറത്താകാതെ നിൽക്കുന്നു. 21 പന്തിൽ ഒരു ബൗണ്ടറി സഹിതം 8 റൺസുമായി ക്യാപ്റ്റൻ ബാബർ അസവുൻ പുറത്താകാതെ നിന്നു.
ശ്രീലങ്കയ്ക്ക് വേണ്ടി അസിത ഫെർണാണ്ടോ 41 റൺസിന് രണ്ട് വിക്കറ്റ് വീഴ്ത്തി.
Scores in brief (day 1 of 5)
Sri Lanka 166 all out, 48.4 overs (Dhananjaya de Silva 57, Dinesh Chandimal 34, Ramesh Mendis 27; Abrar Ahmed 4-69, Naseem Shah 3-41, Shaheen Shah Afridi 1-44)
Pakistan 145-2, 28.3 overs (Abdullah Shafique 74 not out, Shan Masood 51; Asitha Fernando 2-41)
